Hałoŭnuju Pulitceraŭskuju premiju ŭručyli za krytyku dziejańniaŭ palicyi padčas stralby ŭ škole ŭ Fłarydzie
Łaŭreatam Pulitceraŭskaj premii ŭ najbolš prestyžnaj naminacyi «Słužeńnie hramadstvu» stali žurnalisty vydańnia South Florida Sun Sentinel. Jany atrymali ŭznaharodu za «vykryćcio pamyłak škoły i pravaachoŭnych orhanaŭ» da i paśla stralaniny ŭ škole ŭ horadzie Parklend u Fłarydzie.
U naminacyi «Nacyjanalny repartaž» byli adznačany žurnalisty The Wall Street Journal, jakija napisali pra toje, što prezident ZŠA Donald Tramp płaciŭ dźvium žančynam za maŭčańnie pra suviazi ź im.
Łaŭreatami ŭ naminacyi «Mižnarodny repartaž» stali źmieščanyja ŭ Mjanmie pad aryšt žurnalisty Reuters, jakija pisali pra pieraśledy narodnaści rachindža ŭ hetaj krainie, i karespandenty Associated Press, što raspaviali pra zabojstvy narkahandlaroŭ biez suda ŭ Filipinach.
Pulitceraŭskaja premija, jakaja ŭručajecca z 1917 hoda, źjaŭlajecca adnoj z samych prestyžnych uznaharod ZŠA ŭ halinie žurnalistyki, litaratury, muzyki i teatra.