Jak siońnia vyhladaje «małaja radzima» Łukašenki FOTAREPARTAŽ
Pryhožyja damy, idealny asfalt, łaźnia praz darohu ad baćkoŭskaha doma i akuratnaja dvuchpaviarchovaja rezidencyja, zaznačaje ŭ svaim repartažy Radyjo Svaboda.
Kiraŭnik Biełarusi Alaksandr Łukašenka naradziŭsia ŭ haradzkim pasiołku Kopyś na miažy Mahiloŭskaj i Viciebskaj abłaściej. Nieŭzabavie paśla naradžeńnia syna jaho maci, Kaciaryna Trafimaŭna, pierajechała žyć u rodnuju viosku — Aleksandryju. Heta zusim pobač z Kopyśsiu, tolki prajechać most praz Dniapro.
Pra asablivaje staŭleńnie kiraŭnika krainy da rodnych miaścinaŭ viadoma daŭno. Łukašenka časta byvaje na małoj radzimie i pilna sočyć za stanam haspadarak Škłoŭskaha rajonu. U 2017 hodzie mienavita Kopyś abrali ŭ jakaści ŭzoru dla ŭsich biełaruskich miastečak.
Aleksandryja ad Kopysi nie adstaje, niadaŭna tut navat adkryłasia futbolnaja akademija bieraściejskaha «Dynama». Čystyja vulicy, akuratnyja katedžy. Ale nia ŭsie viedajuć, što kiraŭnik krainy naradziŭsia nie zusim u hetaj Aleksandryi.
Baćkoŭski dom Łukašenki — faktyčna ŭ inšym pasieliščy, na ŭjeździe ŭ jakoje staić ukazalnik «Aleksandryja 2». Praź jaho prachodzić adna vulica z nazvaj «Rodnikovaja», jakaja ŭpirajecca ŭ darožny znak «Viciebskaja vobłaść, Aršanski rajon».
Jašče ŭ siaredzinie 2000-ch Aleksandryja nia vielmi adroźnivałasia ad inšych viosak Škłoŭskaha rajonu. Ciapier roźnica vialikaja. Paabapał vulicy stajać novyja draŭlanyja adnatypnyja damy.
Bolšaść budynkaŭ vielmi padobnyja adzin da adnaho.
U centry novaja krama, akuratnaja łaźnia, śmiećcievyja baki. Na płatach paštovyja skrynki na amerykanski manier. Pobač z baćkoŭskaj chataj kiraŭnika krainy — krytaja draŭlanaja altanka.
La damoŭ amal niama ludziej. U vioscy cicha i niezaŭvažna ruchu.
Dvuchpaviarchovy draŭlany kompleks za šlahbaŭmam. Na im jašče nia skončanyja budaŭničyja pracy. Miascovyja kažuć: «jašče adna rezydencyja» znakamitaha ziemlaka.
Asfalt na adzinaj vulicy idealny
Adziny budynak u vioscy, jaki abniesieny vysokaj aharodžaj.
Nasuprać doma, dzie niekali žyła maci kiraŭnika Biełarusi, akuratnaja łaźnia. Mocny draŭlany zrub, metaličny dach. Za joj aharodžanaja i achutanaja zialonaj plonkaj spartyŭnaja placoŭka. Z darohi vidać tolki baskietbolnyja ščyty z kolcami.
Budoŭla
Vakoł vioski pali, udalečyni les. Častka akuratna razaranych (ni kamieńčyka) paletkaŭ aharodžanaja zialonym metaličnym płotam. Padobnym da taho, jaki ustalavali vakoł Kurapataŭ.
Častka paloŭ u Aleksandryi taksama aharodžanaja.
Adzin ź niešmatlikich nietypavych damoŭ.