Astranomy znajšli «supierziamlu»
Hrupa jeŭrapiejskich astranomaŭ miarkuje, što vyjaviła druhuju ekzapłanietu kala najbližejšaj da Sonca zorki - čyrvonaha karlika Proksima Centaŭra. Kali jaje isnavańnie paćvierdzicca, jana stanie idealnym kandydatam dla taho, kab upieršyniu sfatahrafavać padobnaje niabiesnaje cieła ŭ dyjapazonie bačnaha vypramieńvańnia, paviedamlajuć infarmahienctvy.
Usie papiarednija zdymki ekzapłaniet byli zrobleny tolki ŭ infračyrvonym śpiektry, kab śviatło ad zorki nie chavała sami płaniety. Adnak Proksima c, jak paśpieli nazvać hetuju hipatetyčnuju płanietu ŭśled za znojdzienaj ŭ 2016 hodzie Proksimaj b, raźmieščanaja dosyć daloka ad svajoj zorki, tak što razhladzieć jaje budzie našmat lahčej. Navukoŭcy spadziajucca, što jaje možna budzie ŭbačyć z dapamohaj najnoŭšaj absiervatoryi James Webb, jakuju pavinny vyvieści na arbitu ŭ sakaviku 2021 hoda.
Kali płanieta tam usio ž jość, to jana ŭjaŭlaje saboj tak zvanuju supierziamlu - jaje masa prykładna ŭ šeść razoŭ bolšaja za ziamnuju. Adzin abarot vakoł svajoj zorki Proksima c robić za 1900 dzion i znachodzicca ŭ 1,5 raza dalej ad jaje, čym Ziamla ad Sonca. Uličvajučy, što Proksima Centaŭra - čyrvony karlik, i enierhii ŭ hetaj zorki mienš, čym u Sonca, Proksima s pry takich paramietrach nie traplaje ŭ abžytuju zonu. Heta ledzianaja płanieta, žyćcio na jakoj naŭrad ci mahčymaje.
Adnak jana maje vielizarny navukovy intares. Sprava ŭ tym, što supierziemla - samy pašyrany ŭ našaj hałaktycy vid płaniet. Pry hetym mienavita ŭ Soniečnaj sistemie jany całkam adsutničajuć, tak što my nie viedajem, jak jany vyhladajuć na samaj spravie. Kali navukoŭcam udasca ŭpieršyniu zrabić zdymak płaniety hetaha typu, śpiecyjalisty narešcie zmohuć nablizicca da razumieńnia taho, ci źjaŭlajucca jany vadkimi hihantami, jak Niaptun, ci heta ćviordyja płaniety, jak i Ziamla, tolki bolšaha pamieru.
Proksima b, jak raniej vyśvietlili navukoŭcy, źjaŭlajecca patencyjna prydatnaj dla žyćcia. Na płaniecie jość atmaśfiera, a tempieratura na pavierchni aceńvajecca ŭ 30-40 hradusaŭ. Na płaniecie taksama moža znachodzicca vada ŭ vadkaj formie. Jość i admoŭnyja baki: uzrovień radyjacyjnaha i ultrafijaletavaha vypramieńvańnia na Proksimy b ŭ 100 razoŭ pieravyšaje ziamny.
Mienavita Proksima b ŭ śniežni 2017 h. była vybrana NASA ŭ jakaści kančatkovaj kropki pieršaj u historyi Ziamli mižzorkavaj ekśpiedycyi, jakuju mohuć arhanizavać da 2069 hoda. U kaśmičnaje padarožža vypraviacca nia ludzi, a nievialikija zondy.
Kab dalacieć tudy za prymalny termin, kaśmičnym aparatam daviadziecca raźvić chutkaść prynamsi ŭ adnu dziasiatuju chutkaści śviatła. Kali im heta ŭdasca, ekśpiedycyja praciahniecca 44 hady i dasiahnie svajoj mety da 2113 hoda.
Zrešty, navukoŭcy adznačajuć, što technałohij, jakija dazvolili b raźvić takuju chutkaść, pakul niama. Siarod mahčymych varyjantaŭ razhladajecca ruchavik na asnovie łaziera, jadziernych reakcyj i navat ŭzajemadziejańnia rečyvy i antyrečyva.
