U Rečycy piensijanier admoviŭsia płacić za pravierku hazavaha abstalavańnia i staŭ fihurantam kryminalnaj spravy
U kvateru 73-hadovaha žychara Rečycy dla płanavaj pravierki hazavaha abstalavańnia pryjšoŭ rabotnik śpiecyjalizavanaj słužby. Piensijanier zaprasiŭ praviarajučaha na kuchniu, majstar pravioŭ nieabchodnyja pracedury i pačaŭ afarmlać dakumienty. Kanflikt uźnik, kali pažyły žychar Rečycy daviedaŭsia, što jamu daviadziecca addać za pravierku bolš za 20 rubloŭ.
Jon pasprabavaŭ pieraškodzić supracoŭniku, sprabujučy adabrać u jaho papiery. U hety momant u kvateru zajšoŭ 65-hadovy susied: jon ubačyŭ, što pačałasia svarka, i vyrašyŭ abaranić piensijaniera. Miarkujecca, što pačałasia bojka, da jakoj dałučyŭsia i 73-hadovy žychar Rečycy.
U dačynieńni da dvuch susiedziaŭ zaviedzienaja kryminalnaja sprava pa č. 2 artykuła 339 «Chulihanstva», jakaja praduhledžvaje maksimalnaje pakarańnie ŭ vyhladzie pazbaŭleńnia voli na termin ad adnaho hoda da šaści hadoŭ.
