Dla supracoŭnic Akademii navuk asnoŭnyja kaštoŭnaści — zamužža i dzieci, a nie navuka
Cikavyja źviestki byli źmieščanyja ŭ apošnim numary časopisa «Biełaruskaja dumka». Daśledavańni praviała supracoŭnica Centra manitorynhu mihracyi navukovych i navukova-piedahahičnych kadraŭ Instytuta sacyjałohii NAN Alesia Sałaviej.
Kali ŭ 1948 hodzie kolkaść žančyn siarod navukovych supracoŭnikaŭ składała 36%, to ciapier jana ŭźniałasia da 47,6%, kandydataŭ navuk — z 23,8% da 42,8%, a daktaroŭ navuk — z 2,2% da 18%.
Što pryciahvaje žančyn u navuku? Adkazvali tolki maładyja supracoŭnicy (da 35 hadoŭ). Na pieršaje miesca vyjšaŭ varyjant «Intares da navukovaj dziejnaści», jaho abrali 64,8%. Dalej iduć «Mahčymaść samarealizacyi» (39%), «Raźmierkavańnie» (39%) i «Rekamiendacyja vykładčyka» (25,8%). Na apošnim miescy akazaŭsia varyjant «Vysoki zarobak», jaho abrali tolki 1,1% apytanych.
Najbolš cikavymi tut vyhladajuć ličby adnosna kaštoŭnasnych aryjentacyj dla žančyn-daśledčyc Akademii navuk. Dyk voś važnaj «finansavuju samastojnaść» ličać adrazu 73% apytanych.
Na druhim miescy akazaŭsia varyjant «maciarynstva, vychavańnie dziaciej», jaho abrali 63% daśledčyc, 55,4% abrali varyjant «zamužža i stvareńnie siamji».
Tolki 30% apytanych žančyn paličyli jak važnuju kaštoŭnaść «samarealizacyja ŭ jakaści navukoŭcy», a 19,7% — «navukovuju karjeru».
