U Biełaruś nie puścili namieśnika dyrektara Vajennaha muzieja z Łatvii — jon u rasijskim čornym śpisie
LETA
Ułady Biełarusi vysłali z krainy namieśnika dyrektara Vajennaha muzieja Łatvii Jurysa Cyhanaŭsa, paviedamlaje Tut.by sa spasyłkaj na Delfi.
Jurys Cyhanaŭs prybyŭ u Biełaruś dla ŭdziełu ŭ mižnarodnaj navukovaj kanfierencyi. Ale biełaruskija pamiežniki historyka nie prapuścili, i jon samalotam byŭ departavany ŭ Vilniu. Infarmacyju pra heta žurnalistam paćvierdziŭ sam Cyhanaŭs.
Cyhanaŭs adpraviŭsia na navukovuju kanfierencyju ŭ Minsk pa zaprašeńni biełaruskaha boku. Adnak pa prylocie ŭ minski aeraport łatvijski historyk daviedaŭsia, što ŭ Biełaruś jaho nie puściać: jon uklučany ŭ «čorny śpis» dla naviedvańnia Rasii. Heta ž zabarona na ŭjezd dla jaho dziejničaje i ŭ dačynieńni da Biełarusi.
Heta nie pieršy incydent takoha rodu. U studzieni, nahadajem, pamiežniki admovilisia ŭpuścić u Biełaruś kaardynatara prahram šviedskaha miedinstytuta Fojo Volhu Vale, bo jaje imia apynułasia ŭ rasijskim čornym śpisie.
