Zialenski pakazaŭ vynik analizu na narkotyki «zadniaj dataj». Kali heta vyjaviłasia, datu vypravili
Kandydat u prezidenty Ukrainy Uładzimir Zialenski apublikavaŭ vynik analizu, zhodna ź jakim narkatyčnych rečyvaŭ u jaho arhaniźmie niama.
Pry hetym spačatku jon apublikavaŭ u Facebook dakumient, na jakim dataj zdačy analizu zapisana 2 krasavika. Pry tym, što analizy Zialenski zdavaŭ siońnia, 5 krasavika, u prysutnaści žurnalistaŭ. Praz 15 chvilin dakumient byŭ vypraŭleny — data pamianiałasia na 5 krasavika.
U pramiežku pamiž hetymi dziejańniami karespandent «Ukrainskaj praŭdy» źviarnułasia da śpikiera štaba Zialenskaha Dźmitryja Razumkova, jon paraiŭ źviarnucca ŭ pres-słužbu — a tam nie adkazali.
Žurnalisty zachavali dakumienty, apublikavanyja na Facebook-staroncy Zialenskaha ŭ abodvuch varyjantach.
Akramia daty, u vynikach analizaŭ usio supadaje.
Varta adznačyć, što analizy Zialenski zdavaŭ u łabaratoryi Eurolab, jakaja naležyć biznesmienu i televiadučamu Andreju Palčeŭskamu, jaki ŭ svaich vystupach na telebačańni aktyŭna padtrymlivaje Zialenskaha.
Nahadajem, šoŭmien Uładzimir Zialenski apublikavaŭ videarolik, u jakim abviaściŭ, što idzie na debaty ź dziejučym prezidentam Piatrom Parašenkam.
Šoŭmien vyklikaŭ Parašenku na stadyjon «Alimpijski», pakolki, na jaho dumku, debaty pavinny adbycca pierad narodam Ukrainy.
Jon taksama ahučyŭ šerah umoŭ praviadzieńnia debataŭ, siarod jakich prabačeńni i miedycynskaja ekśpiertyza na ałkahol i narkotyki.
