Hreka-katoliki Biełarusi: Znos kryžoŭ u Kurapatach — bluźnierstva
Fota Voli Aficeravaj
Apostalski vizitatar dla hreka-katolikaŭ Biełarusi archimandryt Siarhiej (Hajek) błasłaviŭ viernikaŭ, jakija praz strohi post 5 krasavika i malitvy ŭ najbližejšyja dni «bačać abaviazak pieraprasić Boha za hety bluźnierčy akt znosu kryžoŭ u Kurapatach».
Takuju zajavu apublikavała pres-słužba apostalskaha vizitatara.
«Kryž dla chryścijanaŭ źjaŭlajecca śviatym simvałam pakuty i zbaŭčaj śmierci Hospada našaha Isusa Chrysta. Dla usich ludziej absiahu chryścijanskaj cyvilizacyi kryž źjaŭlajecca simvałam pamiaci pamierłych, asabliva tych, jakija pamierli ad niespraviadlivaha nasilla.
Kurapaty heta miesca pamiaci paciarpiełych ludziej usich nacyjanalnaściej i relihij, miesca bolu dla mnohich biełaruskich hramadzianaŭ, prodki jakich paciarpieli ad žachlivych i niespraviadlivych stalinskich represij ŭ pieršaj pałovie XX stahodździa. Važnaść hetaha pamiatnaha miesca adznačana biełaruskaj dziaržavaj, jakaja uklučyła heta miesca ŭ śpis historyka-kulturnych kaštoŭnaściej pad katehoryjaj 1, jakaja nadaje pomniku mižnarodnaje značeńnie.
U suviazi sa znosam kryžoŭ ustalavanych hramadskaściu va ŭročyščy Kurapaty my poŭnaściu salidarny z Zajavaj Staršyni kanfierencyi Katalickich biskupaŭ Biełarusi Mitrapalita Tadevuša Kandrusieviča, jaki miž inšymi napisaŭ: «Zaklikaju adkaznych za znos kryžoŭ terminova spynić hetyja dziejańni i šlacham dyjałohu roznych palityčnych i hramadskich sił z udziełam pradstaŭnikoŭ roznych vieravyznańniaŭ raspačać praces urehulavańnia situacyi».
Arcybiskup Tadevuš Kandrusievič zaklikaŭ terminova prypynić znos kryžoŭ u Kurapatach
Pres-sakratar Pravasłaŭnaj carkvy pra znos kryžoŭ u Kurapatach: Djabły vielmi bajacca znaku Kryža Haspodniaha
Natalla Ejsmant prakamientavała znos kryžoŭ u Kurapatach: Čytajcie prezidenta
