Zialenski prapanavaŭ Parašenku debaty na 70-tysiačnym stadyjonie ŭ centry Kijeva VIDEA
Kandydat u prezidenty Ukrainy Uładzimir Zialenski abviaściŭ, što idzie na debaty ź dziejučym prezidentam Piatrom Parašenkam.
«Vy kličacie mianie na debaty, maryli, što ja ŭciaku, admarožusia, schavajusia. Nie. Ja — heta nie vy ŭ 2014 hodzie. Ja prymaju vyklik», — zajaviŭ Zialenski.
Zialenski zajaviŭ, što čakaje Parašenku na stadyjonie «Alimpijski», debaty pavinny prajści pierad narodam Ukrainy.
«Usie kanały majuć prava tranślavać užyvuju, usie žurnalisty majuć prava prysutničać», — skazaŭ Zialenski.
Taksama Zialenski zapatrabavaŭ, kab Parašenka publična zajaviŭ, što «debaty adbuducca nie z maryjanietkaj Kramla ci Kałamojskaha, nie z vatnikam ci kłoŭnam, nie z bydłam, a z kandydatam u prezidenty».
Zialenski daŭ Parašenku 24 hadziny na abdumvańnie.
