Jak prajšła prezientacyja futbolnaj lihi dla dziaŭčatak, maładziejšych za 13 hod FOTY
Na terytoryi kulturnaj prastory «OK16» 2 krasavika adbyłasia prezientacyja ŭnikalnaha dla Biełarusi spartyŭnaha prajektu.
Upieršyniu na terytoryi krainy pačynaje dziejnaść futbolnaja liha dla panienak, uzrost jakich nie pieravyšaje 13 hod.
U debiutnym siezonie ŭ Futbolnaj lizie dziaŭčat zhulaje 60 kalektyvaŭ z usioj Biełarusi: kamandy ad DIUSŠ ci inšych śpiecyjalizavanych vučebna-spartyŭnych ustanoŭ, a taksama pradstaŭnicy zvyčajnych ahulnaadukacyjnych škoł ci fizkulturna-spartyŭnych kłubaŭ pry vykankamach.
Kamandy padzielenyja na vosiem zon pa terytaryjalnym pryncypie. Sistema nastupnaja: kamandy ŭ krasaviku-mai źjazdžajucca ŭ adno miesca i hulajuć miž saboj pa dvuchkołavaj sistemie. Pieramožcy vaśmi rehijanalnych zon vychodziać na respublikanski etap i ŭ pačatku červienia pryjazdžajuć u Minsk, dzie ŭ matčach pa alimpijskaj sistemie vyznačać najlepšuju kamandu krainy.
Liha atrymała chešteh #WOOOOW— słohan, jaki nie tolki tłumačyć matyvacyju dziejańniaŭ, ale i jadnaje ŭsie dyvizijony, adlustroŭvaje asnoŭnuju emocyju ad hulni. Akramia taho, za kožnaj terytaryjalnaj zonaj budzie zamacavany spartyŭny apiakun — futbalistka nacyjanalnaj zbornaj. «Futbolnaja liha dziaŭčat» atrymała i miedyjapasłoŭ — žančyn z roznych halin dziejnaści, jakija damahlisia pośpiechaŭ u Biełarusi.
Važna padkreślić, što liha budzie adukacyjna aryjentavanaj. Kožny dyvizijon budzie nazvany ŭ honar vybitnaj biełaruski — Uršuli Radzivił, Sałamiei Pilštynovaj i hetak dalej.
