Zarobak najlepšaj futbalistki śvietu mienšy ŭ 325 razoŭ za zarobak najlepšaha futbalista
Wikimedia Commons
Forvard francuzskaha «Lijona» i zbornaj Narviehii Ada Chiehierbierh zarablaje ŭ 325 razoŭ mienš za arhiencinskaha forvarda katałonskaj «Barsiełony» Lijanela Mesi. Pra heta paviedamlaje France Football.
Pa infarmacyi vydańnia, hadavy akład Chiehierbierh składaje 400 tysiač jeŭra, u toj čas jak Miesi atrymlivaje 130 miljonaŭ jeŭra. Pry hetym jany źjaŭlajucca samymi vysokaapłatnymi futbalistkaj i futbalistam płaniety.
U piaciorku samych vysokaapłatnych futbalistaŭ akramia Mesi ŭvajšli forvard «Juvientusa» Kryšcijanu Ranałdu (113 miljonaŭ jeŭra), forvard PSŽ Niejmar (91,5 miljona jeŭra), Antuan Hryzman z «Atletyka» (44 miljony jeŭra) i Haret Bejł z «Reała» (40,2 miljona jeŭra).
Samymi vysokaapłatnymi futbalistkami paśla Chiehierbierh źjaŭlajucca jaje adnakłubnicy Amandzina Chienry (360 tysiač jeŭra) i Vendzi Renar (348 tysiač jeŭra), a taksama Karli Łojd z «Skaj Błu» (345 tysiač jeŭra) i Marta, jakaja vystupaje za «Arłanda» (340 tysiač jeŭra).
