«Usiudy bajalisia nas». Jak bieh źmianiŭ žyćcio mamy i syna z aŭtyzmam
Mikitu Drobatu 23, i ŭ jaho aŭtyzm. Jon maryć prabiehčy paŭmarafon. A mama Halina padtrymlivaje jaho ŭ pačynańniach: na dvaich z synam u ich užo 21 miedal z roznych spabornictvaŭ. Jak bieh dapamoh siamji ŭklučycca ŭ aktyŭnaje žyćcio, raspaviadaje Ruskaja słužba VVS.
Chłopiec lubiŭ biehać z rańniaha dziacinstva, ale nie moh trapić ni ŭ adnu siekcyju.
— Kali Mikita byŭ padletkam, my chacieli pajści kudyści zajmacca, ale ŭsiudy bajalisia nas, — uzhadvaje mama Halina Drobat.
Dyjahnaz jaje synu pastavili ŭ try hady. Chłopčyk praktyčna nie razmaŭlaŭ u dziacinstvie: ludziam z aŭtyzmam składana kamunikavać sa źniešnim śvietam.
— Byŭ strach za budučyniu, za siabie — ci spraŭlusia ja, — pryznajecca Halina. — Vielmi šmat dziaciej žyvuć u zakrytych ścienach, tamu i baćkam vielmi ciažka.
Žyćcio hetaj siamji źmianiŭ bieh. Mikita i Halina pryjšli ŭ spartyŭny kłub «Kryły aniołaŭ». «Aniołami» ŭ kamandzie nazyvajuć ludziej ź invalidnaściu, a «kryłami» — tych, chto dapamaje im biehčy: členaŭ siamji ci vałancioraŭ.
— My zrabili dobry vynik, ja hanarusia mamaj, — kaža Mikita.
