Mahiloviec chacieŭ pazyčyć 5 rubloŭ u siabra, a źniaŭ ź jaho karty 2 tysiačy
42-hadovy mahiloviec źviarnuŭsia ŭ milicyju. Jon śćviardžaŭ, što znajomy vykraŭ ź jaho bankaŭskaj kartki amal 2 tysiačy rubloŭ. Incydent adbyŭsia paśla sumiesnaha raśpivańnia śpirtnych napojaŭ, kali pryjaciel paprasiŭ pazyčyć jamu 5 rubloŭ. Hatoŭki ŭ mužčyny nie było, i jon daŭ svajmu siabru kartu, ź jakoj prapanavaŭ źniać 5 rubloŭ u bankamacie, paviedamlaje UUS.
Pakul uładalnik majomaści zadramaŭ, hość syšoŭ z kartkaj i za niekalki razoŭ źniaŭ 1950 rubloŭ.
Paźniej uładalniku płastykavaj kartki prychodzili apaviaščeńni. Tym časam mahiloviec z hrašyma vyklikaŭ taksi i adpraviŭsia ŭ handlovy centr, dzie nabyŭ sabie palito, štany i tufli. Paśla jon adpraviŭsia na hetym ža taksi da svajho brata, nabyŭšy pradukty charčavańnia i śpirtnoje. Potym jon znoŭ vyklikaŭ taksi i tolki 300 rubloŭ zmarnavaŭ na pajezdku pa horadzie.
Ciapier mužčynu pahražaje abmiežavańnie voli na termin ad dvuch da piaci hadoŭ abo pazbaŭleńnie voli na termin da piaci hadoŭ z pazbaŭleńniem prava zajmać peŭnyja pasady abo zajmacca peŭnaj dziejnaściu abo biez pazbaŭleńnia.
