Što my słuchali ŭ sakaviku: dziasiatka najbolš značnych muzyčnych albomaŭ miesiaca
Viasna pryjšła i z saboj pryniesła šmat cikavych relizaŭ, niekatoryja ź jakich harantavana buduć nieści za saboj hanarovaje zvańnie «Alboma hoda».
Pra kožnuju ź dziasiatki navinak — bolš padrabiazna ŭ našym tradycyjnym ahladzie.
In Flames — I, the Mask
Šviedskija mietalisty, u adroźnieńnie ad mnostva svaich kaleh, nie ekśpierymientujuć z elektronnaj muzykaj i nie zaprašajuć dla duetaŭ rep-vykanaŭcaŭ. Heta ŭsio toj ža vytrymany jakasny ciažki huk, jaki zastajecca vizitoŭkaj hurta voś užo amal 30 hod.
Darečy, u kancy krasavika In Flames prezientujuć novy albom i ŭ Minsku. Kvitki možna nabyć na našaj afišy.
Hozier — Wasteland, Baby!
Irłandski muzyka ŭrahanam uvarvaŭsia ŭ muzyčnyja čarty ŭ 2014 hodzie sa svaim debiutnym albomam i trekam Take Me To Church.
I voś, praz doŭhi čas Edvard Choŭzijer viarnuŭsia, kab znoŭ zavajavać sercy słuchačoŭ. U rodnaj Irłandyi i ZŠA heta paśpiachova adbyłosia — albom zaniaŭ pieršy radok čartaŭ.
Gesaffelstein — Hyperion
Francuzski elektronščyk prezientavaŭ u sakaviku svoj druhi albom, hučańnie jakoha nabližana da kłasičnaj francuzskaj pop-muzyki z mnostvam cikavym kałabaracyj (ad Weeknd da Fareła Uiljamsa) i notkami amierykanskaha popu z tryp-chopam.
Children of Bodom — Hexed
Paśla šviedaŭ z In Flames čarhovym poŭnafarmatnikam svaich prychilnikaŭ paradavali finskija mietalisty z Chilrdren of Bodom. Ciapier u amataraŭ ciažkaj muzyki adbyvajucca žorstkija internet-bojki — chto lepšy i chto horšy, chto sapsavaŭsia i chto zastaŭsia saboju.
Pasłuchajcie abodva albomy i zrabicie vysnovy sami.
Foals — Everything Not Saved Will Be Lost, Part 1
Davajcie paspračajemsia ab tym, što naprykancy 2019-ha ŭ bolšaści ahladaŭ z najlepšymi albomami hoda budzie i piaty albom brytanskich rokieraŭ.
Varta adznačyć, što heta tolki pieršaja častka. Druhaja, vidać, kančatkova adpravić u nakaŭt usich muzyčnych krytykaŭ.
Mustelide — Ginseng Woman
Kancepcyja treciaha alboma biełaruski Natašy Kunickaj — apovied pra sakralnyja žanočnyja zdolnaści. Žančyna-Žeńšeń vałodaje asablivaj siłaj, jakaja abjadnoŭvaje pahanstva i chajtek, nieprydatnaje i zapatrabavanaje, niazvykłaje i rodnaje.
Taksama varta adznačyć, što albom byŭ zapisany z vykarystańniem złamanych instrumientaŭ. Pasłuchajcie, jakija huki zmahli ź ich vyciahnuć prafiesijnyja muzyki.
Ludovico Einaudi — Seven Days Walking
Heta pieršaja častka kanceptualnaha alboma «Seven Days Walking» lehiendarnaha italjanskaha kampazitara i pijanista Ludovika Ejnaŭdzi.
Paŭnavartasny boks-set vyjdzie da vosieni — kampazitar płanuje vypuskać pa adnoj častcy štomiesiac.
Kakkmaddafakka — Diplomacy
Vośhetajavośdoŭhajanazva — heta šaściora maładych narviežskich indy-rokieraŭ, u jakich u sakaviku vyjšaŭ novy albom.
Jany kažuć, što Diplomacy — najbolš ščyraja ich praca. Niama padstaŭ im nie daviarać.
UNKLE — The Road: Part II / Lost Highway
Zmročny praciah muzyčnaj tryłohii, pieršaja častka jakoj pabačyła śviet dva hady tamu.
Śpis zaprošanych muzykaŭ varty asobnaj uvahi: Mark Łaniehan, Tom Śmit z Editors, Mik Džons z The Clash, Dchani Charysan (syn Džordža Charysana), udava Stenli Kubryka i mnohija inšyja.
Billie Eilish — WHEN WE ALL FALL ASLEEP, WHERE DO WE GO?
Amierykanskaj śpiavačcy ŭsiaho 17, ale ŭžo pa viersii Apple jana — samaja papularnaja vykanaŭca. I heta tolki pačatak tvorčaha šlachu, debiutny albom na jakim — tolki pieršy hruntoŭny čekpojnt.
A što słuchali vy ŭ sakaviku? Pišycie ŭ kamientarach!
Našy papiarednija ahlady:
