Usie biełaruskija karystalniki «Adnakłaśnikaŭ» atrymali prapanovu pierajści na biełaruskamoŭnuju viersiju
Sacyjalnaja sietka «Adnakłaśniki» zajmieła biełaruskuju viersiju interfiejsa. Biełaruskaja mova stała dastupnaja karystalnikam na ŭsich płatformach: u desktopnaj i mabilnaj viersijach sacsietki, a taksama ŭ mabilnych dadatkach na iOS i Android.
Łakalizacyja sinchranizujecca na ŭsich płatformach. Paśla ŭklučeńnia na luboj z pryład biełaruskaja mova aŭtamatyčna padklučajecca na ŭsich astatnich viersijach «Adnakłaśnikaŭ».
Dla łakalizacyi było pierakładziena bolš za 100 tysiač słoŭ. Pierakład zakranuŭ nie tolki elemienty interfiejsa, ale i łohiku raboty častki servisaŭ — naprykład, ciapier niekatoryja padarunki možna znajści pry dapamozie zapytaŭ pa-biełarusku: «uśmichnisia», «ciepłynia», «cacka» i inšych. Paśla ŭklučeńnia novaj movy paviedamleńni, u tym liku pa elektronnaj pošcie, taksama prychodziać pa-biełarusku.
Siońnia ŭsie karystalniki «Adnakłaśnikaŭ» u Biełarusi atrymali paviedamleńni pra mahčymaść pierachodu na nacyjanalnuju movu interfiejsa, a dla tych, chto ŭžo pieraklučyŭsia, šapka sajtu nabyła viadomy tradycyjny arnamient.
