Va Ukrainie vajskoŭca pakarali za niesankcyjanavanuju pajezdku ŭ Biełaruś
interfax.by
Bravarski harrajonny sud Kijeŭskaj vobłaści aštrafavaŭ na 510 hryŭniaŭ (20 dalaraŭ u ekvivalencie) načalnika apieratyŭna-płanavaha adździaleńnia, namieśnika načalnika štaba vajskovaj častki A3628 za parušeńnie zakanadaŭstva ab abaronie dziaržaŭnych sakretaŭ, piša Radyjo Svaboda.
Hetaja vajskovaje padraździaleńnie ŭvachodzić u skład 99-ha asobnaha bataljona ŭpraŭleńnia i zabieśpiačeńnia Siłaŭ śpiecyjalnaha pryznačeńnia i mieścicca ŭ Bravarach pad Kijevam.
Rašeńnie ŭchvalena na padstavie materyjałaŭ, sabranych Hałoŭnym upraŭleńniem vajskovaj kontrraźviedki Słužby biaśpieki Ukrainy.
Vajskoviec, jaki mieŭ dostup da dziaržaŭnaj tajamnicy, vyjechaŭ u Biełaruś na słužbovym transparcie 27 kastryčnika 2018 hoda i ŭ toj ža dzień viarnuŭsia va Ukrainu.
Zhodna z patrabavańniami, uchvalenymi ŭradam Ukrainy ŭ 2013 hodzie, jon musiŭ pierad pryvatnym vyjezdam za miažu piśmova papiaredzić svajo kiraŭnictva i režymna-sakretny orhan. Apošniamu paśla pajezdki vajskoviec mieŭ paviedamić pra abstaviny, što mahli pryvieści da pracioku sakretnaj infarmacyi, a taksama pra zacikaŭlenaść takoj infarmacyjaj z boku inšaziemcaŭ.
Anałahičnyja patrabavańni va Ukrainie isnujuć i da pradstaŭnikoŭ rehijanalnych i miascovych uładaŭ.
U žniŭni 2018-ha dziaržaŭnaja sudovaja administracyja Ŭkrainy svaim zahadam abaviazała ŭsich sudździaŭ zahadzia paviedamlać ab namierach naviedać Biełaruś, a taksama Rasieju, niepryznanyja Prydniastroŭskuju Małdaŭskuju Respubliku, Abchaziju, Paŭdniovuju Asetyju, Krym i akupavanyja častki Danieckaj i Łuhanskaj abłaściej. Pa viartańni jany musiać zdać piśmovuju spravazdaču ab vynikach pajezdak.
