Dzień Voli ŭ Ńju-Jorku FOTY
25 Sakavika, dzień abvieščańnia BNR, badaj, adno z samych hałoŭnych śviataŭ biełarusaŭ zamiežža.
Amerykanskija biełarusy starejšaha pakaleńnia adznačajuć hetaje śviata štohod u svaich hramadska-kulturnych asiarodkach: ładziać mitynhi, arhanizujuć bankiety z pramovami z trybuny, uračystymi pryvitańniami ad miascovych hubiernataraŭ, kancertami biełaruskaj muzyki, vystavami biełaruskich mastakoŭ. Chvala novaj emihracyi ź Biełarusi dadała da sposabaŭ adznačeńnia hadaviny BNR svaje idei: sustrečy u načnych kłubach z kancertami i viktarynami, zabiehi i navat minułahodni parad rovaraŭ.
Novy farmat śviatkavańnia ŭźnik dziakujučy Hańnie Šarko, katoraja čatyry hady nazad stvaryła supołku ŭ Fejsbuku ''Biełarusy ZŠA. Razam lahčej''. Za čatyry hady Hanna, jaje muž Alaksandr Mazhavy i kamanda siabroŭ-aktyvistaŭ arhanizavali dziasiatki siabroŭskich sustreč dla biełarusaŭ: heta i tematyčnyja sustrečy ŭ klubach, i prahułki na pryrodzie za horadam, pikniki ŭ parkach i sustrečy na plažy.
Sioleta na śviatkavańnie Dnia Voli Hanna z kamandaj sumiesna ź Biełaruska-Amerykanskim Zadzinočańniem ''Pahonia'' padrychtavali prahramu Muzyčny Freš.
Prysutnych čakali vystupy Jaŭhiena Sokałava (ZnaROCK), Hiermana Žyhała i hurtu Kazinak. Śviatkavańnie prajšło 23-ha sakavika va ŭtulnym manchetanskim klubie NUBLU. Dla hurtu Kazinak heta byŭ debiut. Jany zajhrali chity Lavona Volskaha i Lapisaŭ, a taksama pradstavili ŭłasnuju kampazicyju. Jość nadzieja, što Kazinak praciahnie tvorčy praces.
Usie prysutnyja aŭtamatyčna stali ŭdzielnikami latarei, na jakoj byli razyhrany biełaruskija suvieniry ad sponsaraŭ i niekalki biełaruskich knih, pieradadzienych u jakaści padarunku ad Biełaruskaj Fundacyi imia Piotry Kračeŭskaha.