Łajnier, što spyniŭsia z-za štormu la bierahoŭ Narviehii, zapuściŭ ruchaviki
Ekipažu kruiznaha łajniera Viking Sky, jaki napiaredadni trapiŭ u štorm i straciŭ chod u bierahoŭ Narviehii, udałosia pierazapuścić try z čatyroch ruchavikoŭ. Pra heta paviedamlaje Agence France-Presse sa spasyłkaj na vyratavalnyja słužby Narviehii.
Pavodle dadzienych servisu MarineTraffic, jaki adsočvaje marskuju navihacyju, Viking Sky zaraz drejfuje z chutkaściu 3,4 vuzła za dziasiatak kiłamietraŭ ad narviežskaha horada Mołde.
Pa apošnich dadzienych, ratavalniki evakujavali z łajniera 313 z 1373 čałaviek. Vyratavalnuju apieracyju pravodziać na troch viertalotach. Taksama vakoł łajniera, vynikaje z dadzienych MarineTraffic, znachodziacca niekalki nievialikich sudoŭ, jakija taksama zadziejničany ŭ evakuacyi. Pieršapačatkova apieracyja była ŭskładniena ŭmovami nadvorja, adnak ciapier viecier asłabieŭ, i situacyja stała spakajniejšaj.
