Niamieckaha vykładčyka, jaki 5 hod pracavaŭ u Hrodnie, nie puścili ŭ Biełaruś napiaredadni Dnia Voli
Navukoviec Andre Biom razam z žonkaj Alenaj i dziećmi 22 sakavika jechaŭ z Ukrainy ŭ Biełaruś. Alena rodam ź Biełarusi, tut žyvuć jaje baćki. Ale siamju ŭ krainu nie puścili, piša hrodna.life
Jak napisała ŭ fejsbuku Alena, na biełaruskaj miažy ich nie prapuścili z-za źniešniaha vyhladu pašparta — jon byŭ padklejeny. Paźniej Andre napisaŭ u fejsbuku, što jamu zabaranili ŭjezd u Biełaruś akurat napiaredadni śviatkavańnia Dnia Voli ŭ Hrodnie. U Andre jość dziejnaja biełaruskaja viza da kanca leta, ale jon nie ŭpeŭnieny, ci budzie sprabavać jašče raz trapić u Biełaruś.
Fiłołah-słavist Andre Biom 10 hadoŭ pracavaŭ u biełaruskich univiersitetach pa prahramie akademičnych abmienaŭ: 5 hod u BDU i 5 hod u HrDU. U Hrodnie paznajomiŭsia sa svajoj budučaj žonkaj Alenaj. Zaraz jany žyvuć va Ukrainie, dzie Andre pracuje. Razam ź dziećmi siamja chacieła, miž inšym, naviedać baćkoŭ Aleny, kab dzietki pabačylisia z babulaj i dziadulem.
U 2015 hodzie Andre Biom razam z byłoj žurnalistkaj BiełaPAN Marynaj Rachlej vydaŭ turystyčny daviednik pa Biełarusi «Weißrussland: Mit Minsk, Brest, Hrodna, Homel, Mahiljou und Vicebsk».
