Žychar Baranavičaŭ znajšoŭ bankaŭskuju kartu i raspłaciŭsia joju ŭ kramie. Jamu pahražaje da 5 hadoŭ kałonii

U milicyju 11 sakavika źviarnuŭsia 35-hadovy žychar Baranavičaŭ, jaki raspavioŭ, što ź jaho bankaŭskaha rachunku źnikła suma hrošaj — 21 rubiel. Mužčyna rastłumačyŭ, što straciŭ svaju kartku.

Akazałasia, jaje znajšoŭ 22-hadovy małady čałaviek. Jon pa terminału raspłaciŭsia kartkaj u kramie. Suma pakupki jak raz i skłała 21 rubiel.

U dačynieńni da chłopca 21 sakavika raspačali kryminalnuju spravu pa č. 2 art. 212 KK RB ( «Kradziež šlacham vykarystańnia kampjutarnaj techniki»).

Padazravany kampiensavaŭ paciarpiełamu materyjalnuju škodu ŭ poŭnym abjomie, paviedamili Intex-press u pravaachoŭnych orhanach.

Intex-press

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0