U Homieli złodziej skraŭ kryž z kaścioła i padaryŭ jaho pravasłaŭnamu manastyru. Kryž viarnuli
Letam 2018 hodu z homielskaha kaścioła źnik kryž. Akazałasia, złodziej padaryŭ jaho žanočamu pravasłaŭnamu manastyru. Siońnia kryž u kaścioł prynios pravasłaŭny japiskap Stafan, piša «Radyjo Svaboda».
Letaś 27 lipienia paśla imšy probašč kaścioła ksiondz Jury Varonka zaŭvažyŭ, što sa ściany kala ŭvachodu źnik vialiki draŭlany kryž. Zajavu ŭ milicyju tady vyrašyli nie padavać, a kryž zamianili na inšy.
«Siońnia, 22 sakavika, da nas u kaścioł niechta pahrukaŭ. Da nas zavitaŭ uładyka Stafan, biskup Homielski i Žłobinski. Jon prynios katalicki kryž. U im my paznali svoj, skradzieny letam. Akazałasia, što kryž nieviadomy mužčyna padaryŭ žanočamu pravasłaŭnamu klaštaru ŭ Karmie Dobruskaha rajonu. U klaštary zrazumieli, što kryž — katalicki, nia viedali, što ź im rabić, i ŭčora addali ŭładyku Stafanu», — raskazaŭ Svabodzie a. Jury Varonka.
Homielskija kataliki ŭdziačnyja pravasłaŭnamu japiskapu za viartańnie kryža.
