Turčynaŭ pra kandydataŭ: Zialenski simpatyčny, Parašenka — padrychtavany
Sakratar Savieta nacbiaśpieki i abarony Ukrainy Alaksandr Turčynaŭ zajaviŭ, što kandydat u prezidenty i šoumen Uładzimir Zialenski simpatyčny małady čałaviek, ale padtrymlivaje jon dziejučaha prezidenta Piatra Parašenki. Pra heta jon skazaŭ TSN.
Tak, na pytańnie, jak jon aceńvaje kandydataŭ u prezidenty Zialenskaha, Parašenku i Juliju Cimašenka i ci nie zvanili jany jamu, Turčynaŭ adkazaŭ:
«Zialenski simpatyčny małady čałaviek. Ja viedaju, dzie znachodzicca 95 kvartał u Kryvym Rohu. Ja sam pracavaŭ u Kryvym Rohu. Ziemlaki, nu što ty zrobiš».
Na pytańnie, ci padtrymlivaje jon kaho-niebudź z kandydataŭ, kiraŭnik SNBA zajaviŭ, što Parašenku, pakolki «ŭ situacyi, jakaja skłałasia, jon najbolš padrychtavany».
Datyčna Cimašenka Turčynaŭ dadaŭ, što nie mieŭ znosiny ź joj z 2014 hoda.
