Hałoŭny trenier Niderłandaŭ paśla razhromu biełarusaŭ paskardziŭsia, što jaho kamanda hulała nie nadta dobra
Fota z sajta uefa.com
Hałoŭny trenier zbornaj Hałandyi Ronałd Kuman prakamientavaŭ pieramohu nad kamandaj Biełarusi (4:0) na starcie kvalifikacyi čempijanatu Jeŭropy-2020, piša Presboł.
«Chutki hoł Depaja — heta dobry scenar. Ale kamanda pavinna była praciahvać hulać dyscyplinavana. My ž paśla hoła rassłabilisia. Ja ŭbačyŭ za hety adrezak bolš niedachopaŭ, čym za ŭvieś pieršy hod majho kiraŭnictva zbornaj Hałandyi. Ale ŭ kancoŭcy pieršaha tajma i ŭ druhoj pałovie kamanda zhulała vydatna.
U nas sapraŭdy mocny kalektyŭ, kali my hulajem dyscyplinavana na praciahu ŭsiaho matču. Ale my ŭ matčach z takimi kamandami, jak Hiermanija, Anhlija ci Francyja my pavinny hulać lepš. Voś čamu ja byŭ zły z-za niekatorych momantaŭ u našaj hulni. My možam hulać u futboł vielmi dobra, ale my nie pakazali heta na praciahu ŭsiaho spabornictva ź biełarusami»
Biez šancaŭ: Biełaruś razhromna prajhrała Niderłandam ź likam 0:4
