Mer Minska raspavioŭ, ci budzie ŭvodzicca abmiežavańnie na ruch lehkavych aŭto ŭ centry horada
Fota BiełTA
Minharvykankam nie płanuje inicyjavać uviadzieńnie abmiežavańniaŭ ruchu lehkavych aŭtamabilaŭ u centry stalicy. Pra heta ŭ intervju BiełTA paviedamiŭ staršynia Minharvykankama Anatol Sivak.
«Što tyčycca lehkavych pryvatnych aŭtamabilaŭ, to niejkich časavych (pa časie, dniach tydnia) inicyjatyŭ pakul niama i asabista prajaŭlać ich nie budu. Nie baču vostraj nieabchodnaści. U dačynieńni da hruzavych aŭtamabilaŭ razumnyja inicyjatyvy buduć. Usio budzie realizavana praz darožnyja znaki», - skazaŭ jon.
Pa słovach mera, u Minsku siońnia šmat prablem z rucham z-za DTZ, ramontna-budaŭničych rabot, u vyniku čaho ŭźnikajuć zatory, dzie razam z asabistymi aŭtamabilami staić i hramadski transpart. «Nam u pieršuju čarhu treba navieści paradak u hetym kirunku. Biezumoŭna, mašyn z časam budzie bolš, pytańni buduć uźnikać. My zrobim upor na raźvićcio hramadskaha transpartu, kab jon staŭ zručnym dla pasažyraŭ. Heta pavinna źniać častku prablem, a potym budziem dumać pra abmiežavańni», — dadaŭ Anatol Sivak.