Vybary va Ukrainie: dva novyja apytańni dali procilehłyja vyniki
Šoŭmien Uładzimir Zialenski i ciapierašni prezident Piatro Parašenka vychodziać u druhi tur prezidenckich vybaraŭ va Ukrainie. Takija vyniki apytańnia, praviedzienaha Centram sacyjalnych i markietynhavych daśledavańniaŭ Socys i Instytutam stratehičnych daśledavańniaŭ i prahnozaŭ Janus.
Zialenskaha hatovyja padtrymać 29,6% ukraincaŭ, jakija vyznačylisia z vybaram. Za Parašenku hatovyja addać svaje hałasy 19,2% apytanych. Za Juliju Cimašenka hatovyja prahałasavać 13,8% respandentaŭ, za Juryja Bojku — 10%, za Anatola Hrycenku — 9%, za Aleha Laško — 5,9%.
25,7% z tych, chto pojdzie na vybary, jašče nie viedajuć, za kaho buduć hałasavać.
Charakterna, što zasnavalnikam Socys źjaŭlajecca kiraŭnik vybarčaj kampanii Parašenki Ihar Hryniŭ.
U svaju čarhu śviežaje apytańnie, praviedzienaje centram «Sacyjalny manitorynh» i Ukrainskim instytutam sacyjalnych daśledavańniaŭ im. Jaromienki daje inšyja vyniki. Zhodna ź im, u druhi tur vychodziać Zialenski i Cimašenka.
Pavodle apytańnia, siarod tych, chto vyznačyŭsia z vybaram i hatovy ŭziać udzieł u hałasavańni, Zialenskaha hatovyja padtrymać 29,4% respandentaŭ, Cimašenka 17,2%, Parašenku — 14,9% ukraincaŭ.
Adznačajecca, što za Anatola Hrycenku hatovyja addać svoj hołas 10,7% apytanych, a za Juryja Bojku — 10,4% respandentaŭ.
Taksama paviedamlajecca, što hatoŭnaść uziać udzieł u hałasavańni na prezidenckich vybarach vykazali 82,5% apytanych.
Pieršy tur prezidenckich vybaraŭ va Ukrainie adbudziecca 31 sakavika.
