Minskija ŭłady prapanavali apazicyi vyznačyć jašče niekalki miescaŭ dla masavych akcyj
Lidary demakratyčnych partyj i ruchaŭ, jakija źbirajucca ładzić 24 sakavika mitynh i kancert u Kijeŭskim skviery Minska, naviedali Minharvykankam, kab uzhadnić zachady biaśpieki na imprezie. Jak raskazaŭ Svabodzie pa vynikach vizitu staršynia Biełaruskaj sacyjał-demakratyčnaj partyi (Hramada) Ihar Barysaŭ, siarod inšaha abmiarkoŭvali mahčymaść pavieličeńnia kolkaści miescaŭ dla praviadzieńnia masavych akcyj u horadzie.
Pavodle Barysava, čynoŭniki pahadzilisia, što ŭ kožnym rajonie Minsku musić być adkrytaja placoŭka, dzie zbory, pikiety dy inšyja akcyi zmohuć adbyvacca pavodle paviedamlalnaha pryncypu ŭ miascovyja orhany ŭłady.
Pry hetym apazicyjanieram prapanavali padać svaje varyjanty adrasoŭ, jakija, ź ichnaha hledzišča, najbolš pasujuć na toj ci inšaj terytoryi.