Novy prezident Kazachstana prapanavaŭ pierajmienavać Astanu ŭ Nursułtan
Fota ź Vikipiedyi
Novy prezident Kazachstana prapanavaŭ pierajmienavać stalicu krainy Astanu ŭ honar pieršaha prezidenta Nursułtana Nazarbajeva. Pra heta Kasym-Žamart Takajeŭ zajaviŭ siońnia padčas inaŭhuracyi.
«Nieabchodna ŭviekaviečyć imia našaha vialikaha sučaśnika — pieršaha prezidenta Respubliki Kazachstan Nursułtana Abišaviča Nazarbajeva nastupnym čynam: naša stalica pavinna nasić imia našaha Prezidenta i nazyvacca Nursułtan», — skazaŭ Takajeŭ paśla ŭstupleńnia na pasadu prezidenta, paviedamlaje tengrinews.kz
Učora Nursułtan Nazarbajeŭ padaŭ u adstaŭku, adkiravaŭšy krainaj amal 30 hadoŭ.
Horad na miescy siońniašniaj stalicy Kazachstana byŭ zasnavany ŭ 1830 hodzie i da 1961 hoda nazyvaŭsia Akmalinsk, zatym Calinahrad. U 1992 h. byŭ pierajmienavany ŭ Akmału (što aznačaje «Biełaja mahiła»).
Kali Nazarbajeŭ vyrašyŭ pieranieści stalicu z Ałmaty ŭ Akmału, horad atrymaŭ nazvu Astana («Stalica»).
Chto taki Kasym-Žamart Takajeŭ, jaki budzie v.a. prezidenta Kazachstana
Prezident Kazachstana Nursułtan Nazarbajeŭ pieradaje ŭładu
