Ukraina zdoleła dyviersifikavać pastaŭki jadziernaha paliva dla AES
46% atamnaj hienieracyi va Ukrainie zabiaśpiečvajecca palivam amierykanskaj kampanii Westinghouse. Prytym što raniej Ukraina na 100% zaležała ad pastavak rasijskaha jadziernaha paliva, zajaviŭ prezident Ukrainy Piatro Parašenka.
«Treci błok Paŭdniova-Ukrainskaj AES u 2018 hodzie staŭ pieršym enierhabłokam Ukrainy, jaki zapracavaŭ vyklučna na palivie Westinghouse. Ciapier takich błokaŭ užo 6 z 13. Heta 46%, amal pałova atamnaj hienieracyi. I praces dyviersifikacyi praciahvajecca», — padkreśliŭ Parašenka.
Pavodle jaho słoŭ, nastupnym stratehičnym krokam u pytańni pastavak paliva maje stać zabieśpiačeńnie ŭkrainskich AES jadziernym palivam ułasnaj vytvorčaści. Havorka idzie ab stvareńni ŭłasnaha zavoda pa vytvorčaści jadziernaha paliva ŭ składzie Enierhaatama.
