Viciablanka z pomsty raźmiaściła porna na sajcie byłoha pracadaŭcy. Ciapier jaje buduć sudzić
Prakuratura Viciebskaj vobłaści vyvučyła i nakiravała ŭ sud kryminalnuju spravu pa abvinavačvańni 26-hadovaj žycharki abłasnoha centra ŭ niesankcyjanavanym dostupie da kampjutarnaj infarmacyi, jaje madyfikacyi i kamjutarnym sabatažy.
Abvinavačanaja 2 listapada 2017 hoda praz svoj mabilny telefon pad vyhladam zakonnaha karystalnika i ad imia rabotnika pradpryjemstva zajšła na staronku «Ukantakcie» internet-kramy, dzie jana raniej pracavała.
Paśla hetaha byłaja rabotnica raźmiaściła na staroncy porna. Taksama jana źmianiła nałady pryvatnaści.
Jana ž vydaliła sa staronki nie mienš za 20 fotaalbomaŭ, jakija ŭtrymoŭvali bolš za 3000 fotaŭ prapanavanaj pradukcyi ź jaje charaktarystykami, bolš za 200 karystalnikaŭ z raździeła «Siabry», teksty elektronnaj pierapiski z klijentami.
