Jak adśviatkavać Dzień Voli? Arhkamitet prapanuje z usich haradoŭ sabracca na kancert u Hrodnie i zładzić fiejervierki pa ŭsioj Biełarusi
Arhkamitet śviatkavańnia Dnia Voli — 2019 apublikavaŭ svaje prapanovy na 25 Sakavika.
Arhanizatary śviatkavańnia kanstatujuć, što była atrymanaja kančatkovaja admova pa ŭsich hodnych placoŭkach dla śviatkavańnia Dnia Voli — 2019 u Minsku. Tamu jany vyrašyli admovicca ad placoŭki na Banhałor (i inšych padobnaha kštałtu) pryčynach taho, što jany nie adpaviadajuć maštabu i charaktaru imprezy.
Alternatyŭnyja varyjanty
1. Śviatočny kancert u Horadni
Druhaja stalica BNR u hetym hodzie stanie adnym z hałoŭnych centraŭ śviatkavańnia. 23 sakavika ŭ Kałožskim parku, z 13:00 pa 17:00 adbudziecca dazvoleny śviatočny mitynh i kancert.
2. Ściahi i hierby BNR
Prapanujucca pakazać svoj udzieł u śviacie, a taksama luboŭ i pavahu da biełaruskaj nacyjanalnaj simvoliki.
Jaje možna
- vyviesić na svaim bałkonie
- zaviesić akno ŭ svajoj kvatery
- źmiaścić u svaim aŭta
- ustalavać u dvary pryvatnaha domu.
3. Vialiki supolny salut
Uviečary 25 sakavika, roŭna a 21:00 možna dałučycca da śviatočnaha fiejervierku.
Dla hetaha dastatkova:
- nabyć fiejervierk u luboj lehalnaj kramie piratechniki
- zapuścić jaho, zhodna ź instrukcyjaj pa biaśpiecy na pakunku.
4. Kvietki da doma na Vaładarskaha, 9
U luby čas 25 sakavika prynieści kvietki da doma na Vaładarskaha 9 u Minsku, dzie była padpisanaja 3-aja ŭstaŭnaja hramata BNR.
5. Naviedać mitynh 24 sakavika
Niekalki palityčnych partyjaŭ na čale z sacyjał-demakratyčnaj BSDP padali zajaŭku na mitynh napiaredadni śviata — 24-aha sakavika.
