Sinoptyki raspaviali pra nadvorje na hety tydzień
Niaŭstojlivaje nadvorje z daždžom i mokrym śnieham i da 12 hradusaŭ ciapła čakajecca ŭ Biełarusi na hetym tydni, paviedamili BiełTA ŭ Hidramiecie.
U aŭtorak dniom miescami pa krainie čakajecca mocny paryvisty viecier. Tempieratura pavietra ŭnačy ad nula da +5, dniom — + 5-11.
U sieradu, 20 sakavika, budzie pieravažna biez apadkaŭ, tolki miescami pa poŭnačy mahčymy mokry śnieh i doždž). Unačy ad minus 3 da +3, udzień — +3-10.
U čaćvier sistema atmaśfiernych frantoŭ z Zachodniaj Jeŭropy pryniasie novuju porcyju vilhotnaha pavietra. Nočču i ranicaj na bolšaj častcy terytoryi, dniom miescami, u asnoŭnym pa ŭschodzie krainy, projduć karotkačasovyja apadki. Miescami prahnazujecca ŭzmacnieńnie vietru paryvami da 15-18 m/s. Nočču ad minus 2 da +4, dniom — +4—11.
U piatnicu, 22 sakavika, miescami pa krainie projduć karotkačasovyja daždžy. Unačy ad minus 3 da +4, dniom — +5-12.
