Chočacie zachavać zdaroŭje i pryhažość — uklučycie ŭ svoj racyjon Amieha-3
Amieha-3 — tłuščavyja kisłoty, važnaść i karyść jakich dla arhanizma ciažka pieraacanić. Nievypadkova ŭsie tałkovyja treniery, a taksama daktary-dyjetołahi (my pahutaryli i z trenieram, i z dyjetołaham) abaviazkova rajać svaim klijentam užyvać hety karysny dadatak.
Zajmajeciesia sportam — pačynajcie ranicu z Amieha-3
Pra karyść adnaho z samych papularnych dadatkaŭ raskazvaje fitnes-trenier Dźmitryj Sieviaryn:
«Tłuščavyja kisłoty Amieha-3 — adzin z najvažniejšych dadatkaŭ, jaki abaviazkova treba ŭklučyć u śpis vitaminaŭ dla ŭžyvańnia padčas trenirovak. Naš arhanizm nie moža samastojna vypracoŭvać tłuščavyja kisłoty Amieha-3, atrymlivać ich treba ź ježaj ci ŭ vyhladzie charčovych dadatkaŭ», — kaža Dźmitryj.
Amieha-3 utrymlivajecca ŭ rybie, a taksama ŭ alei, ilnianym nasieńni, hreckich arechach i ŭ peŭnaj harodninie — špinacie ci brokali, naprykład. Uklučyć usie hetyja karysnyja pradukty ŭ racyjon u takoj kolkaści, jakaja b zabiaśpiečyła ŭsie patreby arhanizma ŭ tłuščach Amieha-3, časam byvaje vielmi niaprosta. Tady na dapamohu arhanizmu prychodziać admysłovyja charčovyja dadatki.
«Amieha-3 niezamienny dla trenirovak, dobraj fihury i zdaroŭja ŭ cełym, — śćviardžaje Dźmitryj Sieviaryn. — Pa-pieršaje, Amieha-3 adnaŭlaje arhanizm paśla fizičnaj nahruzki. Tłuščy spryjajuć źmianšeńniu bolaŭ u ciahlicach, a taksama źnižajuć zapaleńnie paśla fizičnych nahruzak. Niahledziačy na toje, što tłuščy Amieha-3 niepasredna nie akazvajuć asablivaha ŭpłyvu na spalvańnie tłušču, ale dabaŭki z Amieha-3 mohuć dapamahčy vam daŭžej adčuvać siabie sytymi. Heta spraščaje prytrymlivańnie dyjety, što sadziejničaje źmianšeńniu vahi».
Dźmitryj Sieviaryn raić uziać za zvyčku pačynać ranicu z Amieha-3, ale papiaredžvaje, što treba sačyć za tym, kab ciaham dnia nie pieravyšać dapuščalnuju normu.
Ježcie rybu, ale nie čaściej, čym dvojčy na tydzień
Tłuščy Amieha-3 karysnyja nie tolki tym, chto aktyŭna zajmajecca sportam, ale i ŭsim, chto prosta sočyć za svaim zdaroŭjem.
«Niedachop karysnych tłuščaŭ Amieha-3 moža pryvieści da aterasklerozu sasudaŭ, — papiaredžvaje doktar-dyjetołah Iryna Jabłonskaja. — Tyja, u kaho pakazčyk chalesterynu ŭ normie, całkam mohuć zabiaśpiečyć patrebu ŭ Amieha-3 prosta ŭžyvajučy peŭnyja pradukty charčavańnia. Dastatkova dvojčy na tydzień źjadać tłustuju rybu. Ale varta pamiatać, što ŭ marskoj rybie, akramia karysnych tłuščaŭ, utrymlivajucca i soli ciažkich mietałaŭ — śvincu, irtuci. Tamu ja nie raju jeści rybu čaściej za dva razy na tydzień. Amieha-3 abaviazkova musić być u charčavańni ciažarnych žančyn, pažyłych ludziej. Heta mocny antyaksidant, tamu vaš arhanizm nie sastarycca raniej času».
Akramia taho, užyvańnie tłuščavych kisłot Amieha-3 źjaŭlajecca prafiłaktykaj sardečna-sasudzistych zachvorvańniaŭ, palapšaje zrok, stan skury i vałasoŭ.
Važna! Isnuje try asnoŭnyja vidy Amieha-3 tłuščavych kisłot:
- alfa-linalenavaja kisłata (ALA/ AŁK),
- ejkazapientajenavaja kisłata (EPA/ EPK),
- dokazahieksajenavaja kisłata (DHA/ DHK).
AŁK ŭtrymlivajecca ŭ raślinnych praduktach, i arhanizm tolki nievialikaha pracenta jeŭrapiejcaŭ moža pieratvarać jaje ŭ EPK i DHK, jakija i niasuć karyść arhanizmu.
UNP 101431475
Kali sistematyzavać usie karysnyja jakaści, to atrymajecca voś taki šort-list.
Serca
Amieha-3 dapamahaje pracy serca: źmianšaje zapaleńnie kryvianosnych sasudaŭ, narmalizuje sardečny rytm, źnižaje ŭtrymańnie škodnych tłuščaŭ u kryvi, zapavolvaje zakarkoŭvańnie sasudaŭ.
Skura
Amieha-3 zachoŭvaje kałahien — tuju samuju ełastyčnuju prasłojku našaj skury, jakaja adkazvaje za pruhkaść i adsutnaść marščyn. Jak viadoma, z uzrostam kolkaść kałahienu ŭ arhaniźmie čałavieka źnižajecca, vynik — skura hublaje pruhkaść i stanovicca adruzłaj. Amieha-3 hetyja pracesy zapavolvaje.
Arteryjalny cisk
Hetyja tłuščavyja kisłoty zdolnyja źmianšać arteryjalny cisk, ale tolki niaznačna. Dla hetaha varta zamianić čyrvonaje miasa na rybu. Pradukty z vysokim utrymańniem Amieha-3 dapamahajuć praduchilić zakarkoŭvańnie kryvianosnych sasudaŭ i palapšajuć kryvaciok. Dziakujučy hetamu možna praduchilić raźvićcio takich niebiaśpiečnych stanaŭ, jak infarkt ci insult.
Depresija
Amieha-3 zapavolvaje vypracoŭku stresavych harmonaŭ i pavialičvaje kolkaść sierataninu ŭ arhaniźmie.
Takim čynam, Amieha-3 i zdarovaje charčavańnie siońnia stali sinonimami. Heta tyja samyja tłuščavyja kisłoty, bieź jakich my prosta nie možam žyć. Papaŭniajučy ŭ našym arhaniźmie ich utrymańnie, my nie prosta padaŭžajem svajo žyćcio, ale i padymajem jaho jakaść na bolš vysoki ŭzrovień.
A jak być z Amieha-6?
Amieha-6, jak i Amieha-3, adnosicca da tłuščavych kisłot. Ale, tym nie mienš, pamiž imi jość važnyja adroźnieńni. Amieha-3 patrebny našamu arhanizmu zaŭždy i ŭ peŭnaj kolkaści, bo ŭpłyvaje na žyćciova važnyja pracesy. A voś što tyčycca Amieha-6, to navat kali hetyja kisłoty na nievialiki pramiežak času vyklučyć z racyjonu — vialikich prablem nie ŭźniknie.
Tak ci inačaj, ale i Amieha-3, i Amieha-6 vielmi patrebnyja dla zdaroŭja.
Evalucyjna ŭ charčavańni čałavieka byli zakładzienyja suadnosiny Amieha-3 da Amieha-6 jak 1:1. Adnak za apošnija 100—150 hadoŭ adbylisia istotnyja dyjetyčnyja źmieny, jakija pryviali da deficytu Amieha-3. U sučasnaha čałavieka suadnosiny Amieha-3 da Amieha-6 znachodziacca ŭ dyjapazonie ad 1:10 da 1:15 — vielizarnaja dyspraporcyja, praŭda? Ale čałaviek adaptavaŭsia i da takoj «formuły».
Nižej — tablica, u jakoj možna ŭbačyć, jak pavodzić siabie naš arhanizm, kali adčuvaje mocny niedachop Amieha-3.
Zachvorvańnie | Amieha-3 tłustyja kisłoty | Amieha-6 tłustyja kisłoty(pry deficycie Amieha-3) |
Ateraskleroz, infarkty, insult | Papiaredžvajuć | Pravakujuć |
Niekatoryja formy hipiertaničnaj chvaroby | Palahčajuć | Uzmacniajuć |
Chraničnyja zapaleńni sustavaŭ i ŭnutranych orhanaŭ | Papiaredžvajuć | Spryjajuć |
Alerhii | Supraćstajać | Stymulujuć |
Stareńnie skury, alerhičnyja dermatyty, akne («vuhry») | Tarmoziać | Paskarajuć |
Dyjatez u dziaciej, atapičny dermatyt u darosłych, astma | Papiaredžvajuć | Pravakujuć |
Asteaparoz | Supraćstajać | Stymulujuć |
Poźni taksikoz ciažarnaści i zaŭčasnyja rody (vykidyš) | Zaminajuć | Spryjajuć |
Niedaraźvićcio płodu, intelektualnaje adstavańnie ad adnahodkaŭ | Papiaredžvajuć | Nie ŭpłyvajuć |
Hipieraktyŭnaść, źviazanaja ź joj nizkaja navučalnaść u dziaciej | Pryvodziać da normy | Nie ŭpłyvajuć |
Depresii | Papiaredžvajuć | Nie ŭpłyvajuć |
Cikava viedać: najbolš kaštoŭnaja ryba — nie čyrvonaja
Amieha-3 tłuščy najlepš šukać u sieladcy i skumbryi, a nie ŭ łasosi. Jak praviła, uvieś supiermarkietavy łasoś naradziŭsia i ros u niavoli, na štučnych karmach, tamu Amieha-3 tam znajści prablematyčna. Zamiest karysnych tłuščavych kisłot mohuć nazapašvacca dyjaksiny, irtuć, piestycydy i inšyja škodnyja złučeńni. Tamu amataram tolki čyrvonaj ryby pažadana dapaŭniać racyjon Amieha-3, što ŭtrymlivajecca ŭ vitaminnych kompleksach.
Amieha-3 zachavany vyklučna ŭ syroj (zasolenaj ci marožanaj) rybie, bo lubaja termičnaja apracoŭka, niachaj heta budzie vareńnie, smažańnie ci zapiakańnie, źmianiaje ich formułu. Najlepš kuplać sieladziec ci skumbryju. Chto imkniecca abmiežavać spažyvańnie soli, moža pierad jadoj vymočvać ich u vadzie.
Nie vybirajcie «małasolnuju», słaba salonuju rybu, kab źnizić ryzyku zaražeńnia hlistami.
Spałučajcie rybu z karysnymi «kampańjonami»: celnaziernievym chlebam, zielaninaj, harodninaj, naturalnymi napojami (nastojem šypšyny, uzvarami biez cukru, biarozavym sokam).
