«Barsiełona» i «Livierpul» vyjšli ŭ 1/4 Lihi čempijonaŭ VIDEA
Siońnia adbylisia dva matčy ŭ adkaz 1/8 Lihi čempijonaŭ. Barsiełona sustrakała u siabie Lijon, a Bavaryja — Livierpul.
Pieršyja matčy ŭ 1/8 u hetych parach zaviaršylisia nulavoj ničyjoj.
U matčy Barsiełona — Lijon abyšłosia bieź siurpryzaŭ. Na 18-aj chvilinie Miesii ź pienalci vyvieŭ svaju kamandu napierad.
A na 31-aj chvilinie Kaŭcińjo spakojna zakaciŭ u bramu.
Ale Lijon nie zdaŭsia, i na 58-chvilinie francuzy zabili. Paśla vierchavoj baraćby ŭ štrafnoj miač apynuŭsia ŭ Tuzara, jaki prabiŭ ter Štehiena z 11-mietrovaj.
Ale cuda nie zdaryłasia. Na 78 chvilinie Miesi ździejśniŭ vydatny prachod i nanios udar u nižni levy vuhał.
Na 81 chvilinie adznačyŭsia Pikie.
A kropku ŭ hulni pastaviŭ Usman Dembiele. Jon atrymaŭ miač u štrafnoj i nanios udar u nižni levy vuhał. Vynikovy lik — 5:1.
U druhim matčy dnia Livierpul adoleŭ Bavaryju.
Spačatku vyjšaŭ napierad Livierpul. Na 26 chvilinie Manie skarystaŭsia pamyłkaj Nojier i vyvieŭ svaju kamandu napierad.
Adnak «Bavaryja» zdoleła adyhracca.
Dalej zabivaŭ tolki Livierpul. Na 69 chvilinie Alaksandr-Arnołd naviesiŭ, van Dejk vyskačyŭ vyšej za Marciniesa i Chumielsa, nakiravaŭšy miač u nižni vuhał.
Kropku ŭ hulni pastaviŭ Manie. Sałach pierakinuŭ Chumielsa i znajšoŭ hałavu Manie, jaki lohka prabiŭ Nojera. Vynikovy lik — 1:3.
Takim čynam u 1/4 finału ŁČ vyjšli: Livierpul, Totenchiem, Mančester Junajted, Mančester Sici, Barsiełona, Ajaks, Portu i Juvientus.
Losavańnie — 15 sakavika. Matčy 9-10 i 16-17 krasavika.