Upieršyniu paśla ŭviadzieńnia novaj sistemy kamientavańnia artykuł sabraŭ bolš za 100 kamientaŭ
Z 1 śniežnia 2018 hoda Biełaruś pierajšła na novyja normy raźmiaščeńnia kamientaroŭ na sajtach damiena.by. Kali ŭ Jutubie, Ukantakcie, na ńju-jork tajmsach i ria novostiach biełarusy pišuć što chočuć i jak chočuć, na biełaruskich sajtach, kab pakinuć kamient, karystalniku treba zarehistravacca praz sms. Niechta prydumaŭ Fejsbuk, niechta — Telehram, a łukašenkaŭcy prydumali voś takoje «nou-chau».
Bolšaść sajtaŭ prosta zakryli kamientary, bo im nie pa siłach było stvaryć ułasnyja sistemy rehistracyi kamientataraŭ. «Naša Niva» była siarod tych niamnohich, chto kamienty pakinuŭ. Nam važna čuć hołas čytačoŭ naŭprost u nas, a taksama heta važnaje prava dla ludziej — vykazvacca.
Kolkaść kamientaŭ spačatku rezka ŭpała, bo ludziam było niazvykła, ciapier pastupova raście. Na siońnia jana składaje ŭžo kala 40% ad «dareformavaj» kolkaści.
I voś — pieršy raz paśla ŭviadzieńnia novaj sistemy kamientavańnia artykuł nabraŭ bolš za sto kamientaŭ. Jak vy dumajecie, katory?
Heta vykazvańnie pres-sakratarki Alaksandra Łukašenki. Natalla Ejsmant: U śviecie moža źjavicca zapyt na dyktaturu. Heta naš brend
Čytajcie taksama: U Kłubie čytačoŭ «Našaj Nivy» zarehistravalisia ŭžo bolš za 3000 čałaviek
