Vybary ŭ Paŭnočnaj Karei: prosta biareš biuleteń z adnym imiem, kidaješ u skrynku i raduješsia
U Paŭnočnaj Karei adbyvajucca druhija paśla prychodu da ŭłady Kim Čen Yna vybary ŭ Viarchoŭny Narodny Saviet.
Hałasavańnie na vybarach u parłamient źjaŭlajecca abaviazkovym i vybarščyki nie majuć mahčymaści vybaru kandydataŭ. Lubyja alternatyŭnyja pohlady źjaŭlajucca čymści zusim niečuvanym.
Jaŭka zaŭsiody blizkaja da 100%, a padtrymka kursu ŭłady - adnahałosnaja.
Sapraŭdnaja ŭłada ŭ krainie naležyć lidaram z dynastyi Kim.
Hramadzianie pavinny demanstravać absalutnuju addanaść siamji Kim i dziejnamu lidaru.
Jak heta pracuje?
U dzień vybaraŭ usie hramadzianie starejšyja za 17 hadoŭ pavinny vyjści i prahałasavać.
«Toje, što vy pryjdziecie rana, źjaŭlajecca prykmietaj addanaści, tamu na učastkach zvyčajna ŭtvarajucca doŭhija čerhi», - raspaviadaje ekśpiert pa pytańniach Paŭnočnaj Karei Fiodar Ciarcicki, jaki žyvie ŭ stalicy Paŭdniovaj Karei Sieule.
Na ŭčastku hramadzianie atrymlivajuć biuleteń z tolki adnym imiem ŭ im. U biuleteni niama čaho paznačać, tamu vybarščyki prosta biaruć papierku i kładuć jaje ŭ vybarčuju skryniu, jakaja staić navidavoku.
Na vybarčych učastkach jość i kabinki dla «pryvatnaha» hałasavańnia, ale karystańnie imi adrazu ž vyklikaje padazreńnie, - tłumačyć analityk.
Tearetyčna ŭ vybarščyka jość jašče mahčymaść vykraślić adzinaha kandydata ŭ biuleteni. Ale heta, kaža Fiodar Ciarcicki, praktyčna aŭtamatyčna budzie aznačać, što taboj zacikaviacca słužby biaśpieki i, mahčyma, abvieściać varjatam.
Paśla taho, jak vybarščyk vychodzić z vybarčaha ŭčastku, čakajecca, što jon dałučycca da śviatočnaha natoŭpu, kab razam ź inšymi vykazać svaju radaść ad mahčymaści pryniać udzieł u hałasavańni za mudraje kiraŭnictva krainy.
«U dziaržaŭnych ŚMI dzień vybaraŭ pakazvajecca jak śviata. Kala kožnaha vybarčaha ŭčastku ludzi śviatkujuć», - raspaviadaje Minionh Li, analityk NK News, internet-vydańnia, jakoje śpiecyjalizujecca na Paŭnočnaj Karei.
Pakolki hałasavańnie źjaŭlajecca abaviazkovym, vybary taksama źjaŭlajucca instrumientam, z dapamohaj jakoha ŭłada kantraluje kolkaść vybarščykaŭ u kožnaj akruzie i kolkaść zdradnikaŭ, jakija mahli ŭciačy ŭ Kitaj.
Jakija paŭnamoctvy maje parłamient?
Viarchoŭny Narodny Saviet nie maje faktyčnaj ułady i pryznačany tolki dla taho, kab zaćviardžać rašeńni lidara Paŭnočnaj Karei.
Parłamient abirajecca na piać hadoŭ.
Zakony piša partyjny aparat, a ŭchvaleńnie ich Viarchoŭnym Narodnym Savietam źjaŭlajecca tolki farmalnaściu.
Tearetyčna, VNS moža adchilić lidara Kima ad ułady
Adnak u teoryi ŭ Viarchoŭnaj Narodnaha Savieta taki jość ŭłada. Dźvie traciny hałasoŭ deputataŭ tearetyčna mohuć źmianić kanstytucyju krainy, a prostaj bolšaści dastatkova dla taho, kab adchilić Kim Čen Yna ad ułady.
De-fakta VNS navat nie źbirajecca rehularna. Na pieršym pasiadžeńni deputaty vybirajuć kirujučyja orhany parłamienta, jakija pracujuć ad imia astatnich deputataŭ, a ahulny schod parłamientaryjaŭ adbyvajucca vielmi redka.
Isnujuć roznyja partyi?
Možna mierkavać, što ŭ Paŭnočnaj Karei isnuje tolki adna partyja. Ale dziŭna ŭ parłamiencie pradstaŭleny cełych try frakcyi.
Rabočaja partyja, staršynioj jakoj źjaŭlajecca Kim Čen Yn, viadoma, pradstaŭlena najbujniejšaj frakcyjaj u parłamiencie. Ale peŭnuju kolkaść mandataŭ zachoŭvajecca za Sacyjał-demakratyčnaj partyjaj i partyjaj Čchundohie-Čchonudan.
Na praktycy pamiž tryma partyjami niama roźnicy, i ŭsie jany jadnajucca ŭ Demakratyčny front za adnaŭleńnie adzinstva Karei.
Što ŭ vyniku?
Pradkazać vynik vybaraŭ davoli nieskładana, ale časam prachodzić niekalki dzion, pierš, čym abjaŭlajucca kančatkovyja vyniki.
Spačatku zvyčajna iduć paviedamleńni ab vysokaj jaŭcy. Na vybarach ŭ 2014 jana składała 99.97%.
Zusim niamnohija ludzi mohuć nie prahałasavać z-za chvaroby, ale, jak kaža papularny žart, u dzień vybaraŭ nichto nie pamiraje i ŭsie zdarovyja.
Dalej źjaŭlajucca vyniki vybaraŭ u akruzie Kim Čen Yna - jak jaŭka, tak i padtrymka kandydataŭ. Zvyčajna, abodva pakazčyki składajuć 100%.
Narešcie, abviaščajuć vyniki vybaraŭ u astatnich akruhaŭ. Tady jak jaŭka moža trochi adchilacca ad 100%, padtrymka kandydataŭ zvyčajna całkam adnahałosnaja.