Prezident Łatvii zaklikaŭ Jeŭropu da adzinstva dziela strymlivańnia Rasii
Pavodle słoŭ prezidenta Łatvii Rajmandsa Viejonisa, Kreml sprabuje ŭździejničać na etničnych ruskich, jakija pražyvajuć u Łatvii, a taksama ŭmacavać prarasijskija siły ŭ Jeŭraparłamiencie i damahčysia realizacyi svajho «hieapalityčnaha» prajektu «Paŭnočny patok-2».
Jeŭropa pavinna być adzinaj i zachoŭvać pilnaść z-za taho, što ad 2014 hoda Rasija demanstruje «ahresiŭnuju palityku ŭ dasiahnieńni svaich hieapalityčnych metaŭ». Pra heta ŭ intervju časopisu Spiegel raspavioŭ prezident Łatvii.
«Nam patrebien nadziejny strymalny faktar, kab u adzin cudoŭny dzień Rasija nie napała na inšuju jeŭrapiejskuju krainu, jak na Ukrainu», - zajaviŭ jon. Pry hetym jon zajaviŭ, što Rasija i Łatvija źjaŭlajucca susiedziami, jakija «padzialajuć ahulnyja ekanamičnyja intaresy».
Pavodle słovaŭ Viejonisa, bolšaść etničnych ruskich, jakija pražyvajuć u Łatvii (kala čverci nasielnictva, jak udakładniaje Spiegel), łajalnyja da ŭłady i kursu krainy. «Adnak častka ź ich bolš schilnaja da sprobaŭ Maskvy akazać cisk na našu krainu. Niekatoryja ź ich, naprykład, udzielničajuć u demanstracyjach suprać zapłanavanaha zakona ab zamacavańni łatyšskaj movy ŭ adukacyi», - skazaŭ jon.
Prezident padkreśliŭ, što nie varta niedaaceńvać upłyŭ Rasii na Łatviju, pakolki mnohija hramadzianie respubliki «hladziać rasiejskaje telebačańnie, urad Rasii sprabuje akazać upłyŭ na ruskamoŭnyja ŚMI ŭ našaj krainie, zapuściŭšy tam svaju prapahandu».
Viejonis taksama vykazaŭsia ab prajekcie pabudovy hazapravoda «Paŭnočny patok-2», jaki projdzie z Rasii ŭ Niamieččynu. «Kancler [FRH Anhieła Mierkiel] viedaje, što ŭsie krainy Bałtyi z samaha pačatku byli kateharyčna suprać hetaha prajektu i što naša pazicyja nie źmianiłasia. Na naš pohlad, «Paŭnočny patok-2» - heta pierš za ŭsio hieapalityčny prajekt Rasiei. Miž tym Hiermanija i Francyja damovilisia ab kampramisie, heta dobraja asnova dla ahulnaha jeŭrapiejskaha šlachu ŭ enierhietyčnaj palitycy», - zajaviŭ prezident.
Havoračy ab travieńskich vybarach u Jeŭraparłamient, Viejonis adznačyŭ, što Kreml sprabuje ŭmacavać prarasijskija siły ŭ hetym jeŭrapiejskim orhanie i damahajecca «raskołu Jeŭropy». «Usie demakraty pavinny być hatovyja da hetaha. Važna dać zrazumieć hramadzianam, što jany stajać pierad važnymi vybarami, havorka idzie pra našu budučyniu », - padkreśliŭ prezident.