U Lidzie pjany mužčyna abstrelvaŭ z hazavaha pistaleta mašynu i aŭtobusy
Milicyja zatrymała ŭ Lidzie 20-hadovaha chłopca, jaki z akna kvatery na pieršym paviersie abstralaŭ z hazavaha pistaleta aŭtamabil i try haradskija aŭtobusy z pasažyrami, paviedamlaje UUS Hrodzienskaha abłvykankama.
Incydent adbyŭsia 8 sakavika. Pieršym paciarpieŭ uładalnik lehkavoha aŭtamabila. Jon źviarnuŭsia ŭ milicyju z zajavaj, što ŭ jaho mašynu trapiŭ kamień, paškodziŭšy škło. Praź niekatory čas u milicyju pačali pastupać paviedamleńni pra inšyja padobnyja vypadki: kiroŭcy haradskich aŭtobusaŭ vyjaŭlali charakternyja paškodžańni na škle.
Supracoŭniki milicyi vyśvietlili, što paškodžańni nanosilisia nie kamianiami. U vyniku abstrełu ŭ aŭtobusach paškodžany šeść voknaŭ, a taksama akno ŭ aŭtamabili, dzie na zadnim siadzieńni znachodziłasia dzicia. Strałok byŭ pjany. Raspačata kryminalnaja sprava pa artykule «Chulihanstva».
