Paŭnočnaja Kareja moža rychtavacca da novaha zapusku rakiety
Spadarožnikavyja zdymki terytoryi vajennaha navukova-daśledčaha centra Sanumdon niedaloka ad Pchieńjana śviedčać pra toje, što Paŭnočnaja Kareja, mahčyma, rychtujecca da zapusku rakiety abo spadarožnika, paviedamlaje BBC.
Było zaŭvažana pieramiaščeńnie vialikich transpartnych srodkaŭ vakoł abjekta. Raniej takaja aktyŭnaść śviedčyła pra toje, što KNDR prynamsi rychtujecca pieravieźci rakietu ŭ rajon zapusku.
6 sakavika stała viadoma, što KNDR pačała adnaŭlać palihon Sache, ź jakoha raniej zapuskała mižkantynientalnyja balistyčnyja rakiety. Pracy pa jaho demantažy pačalisia ŭ kancy minułaha hoda i byli prypynienyja paśla taho, jak pieramovy z ZŠA zajšli ŭ tupik.
Analityki miarkujuć, što na hetym etapie Pchieńjan, chutčej za ŭsio, choča zapuścić spadarožnik, a nie rakietu.
