U Niamieččynie raspaviali, jak Chuan Huajdo paźbieh aryštu paśla viartańnia ŭ Vieniesuełu
Prysutnaść zamiežnych dypłamataŭ dapamahła praduchilić aryšt Chuana Huajdo, lidara vieniesuelskaj apazicyi, jaki abviaściŭ siabie časovym prezidentam Vieniesueły, u pačatku hetaha tydnia ŭ aeraporcie Karakasa. Pra heta raspavioŭ žurnalistam ministr zamiežnych spraŭ Hiermanii Chajka Maas, pieradaje Associated Press.
Padziei razhortvalisia ŭ minuły paniadziełak paśla viartańnia Huajdo ŭ Vieniesuełu paśla pajezdki pa niekalkich łacinaamierykanskich krainach. Spačatku Huajdo pabyvaŭ u Kałumbii, dzie znachodzicca humanitarnaja dapamoha dla Vieniesueły, a zatym naviedaŭ Braziliju i Parahvaj. Sam Huajdo, znachodziačysia za miažoj, raspaviadaŭ, što jamu i členam jahonaj siamji pastupajuć pahrozy, u tym liku pahrozy aryštu.
Pavodle słoŭ Maasa, jon asabista paprasiŭ pasła Hiermanii ŭ Vieniesuele Daniela Kryniera dałučycca da pasłoŭ inšych krain u aeraporcie Karakasa ŭ paniadziełak.
«Ja dumaju, što prysutnaść roznych pasłoŭ spryjała praduchileńniu hetaha aryštu», — dadaŭ jon.
