Na błohiera-aktyvista zaviali kryminalnuju spravu pa zajavie milicyjanta
U błohiera ź Biarozy (Bresckaja vobłaść) Alaksandra Kabanava z ranicy 7 sakavika ŭ domie prajšoŭ pieratrus.
Telefon Kabanava doŭhi čas byŭ niedastupny.
Uviečary sam Kabanaŭ raspavioŭ «Briestskoj hazietie», što siońnia pieratrusy prajšli pa dvuch adrasach: u jaho baćkoŭ i ŭ dziaŭčyny. Pieratrus pa miescy jaho rehistracyi pravieści nie zmahli, tamu što byŭ niapravilna paznačany adras.
Kabanaŭ adznačyŭ, što pieratrusy źviazanyja z tym, što suprać jaho zaviali kryminalnuju spravu, ale nijakich padrabiaznaściej jon pakul što raskryvać nie choča. Zajavu, paśla jakoj raspačali spravu, na jaho napisaŭ milicyjant ź Biarozy i źviazana jana z padziejami dvuchhadovaj daŭniny.
Siońnia błohiera nie zatrymlivali i ciapier jon na svabodzie.
Kabanaŭ vioŭ sialanskuju haspadarku, pierš čym uklučycca ŭ hramadskuju dziejnaść na chvali «Maršaŭ niedarmajedaŭ».
Błohiery Siarhiej Piatruchin i Alaksandr Kabanaŭ letaś nie raz pryciahvalisia da administracyjnaj adkaznaści. Ich štrafavali za videaroliki dla kanała «Narodny reparcior», u jakich jany aśviatlajuć situacyju vakoł budaŭnictva pad Brestam akumulatarnaha zavoda «AjPauer», za zbor podpisaŭ za adstaŭku čynoŭnikaŭ, jaki milicyja i sud paličyli niesankcyjanavanym masavym mierapryjemstvam.
Čytajcie taksama: Novyja lidary. Fiermier Kabanaŭ z Brestčyny — vialikaja hutarka
Fiermiera Kabanava, lidara bresckaha «Marša niedarmajedaŭ», pasadzili na 5 sutak, kab nie ŭznačaliŭ Marš u Pinsku
