U kaho bolej? Kolki abanientaŭ u velcom, MTS i life:)
U Biełarusi siońnia pracujuć try mabilnyja apieratary sotavaj suviazi — velcom, MTS i life:). 42.tut.by vyśvietliŭ, kolki abanientaŭ u kožnaj kampanii i jak kolkaść karystalnikaŭ apierataraŭ źmianiałasia za apošnija niekalki hadoŭ.
Infarmacyju ab kolkaści abanientaŭ velcom, MTS i life:) brali z adkrytych spravazdač hrup kampanij, u jakich znachodziacca apieratary (adpaviedna Telekom Austria, MTS Group, Turkcell).
U velcom pa stanie na čaćviorty kvartał 2018 hoda (Q4) naličvałasia 4 873 000 abanientaŭ. U hety ž pieryjad hodam raniej ich było 4 864 200 — na 0,2% mienš. U 2016 hodzie kolkaść abanientaŭ składała 4 944 900, u 2015 — 4 956 800. Takim čynam, za try hady kolkaść abanientaŭ velcom u Biełarusi skaraciłasia na 1,7%.
U MTS na kaniec 2018 hoda (čaćviorty kvartał, Q4) u Biełarusi naličvałasia bolš za 5,5 miljonaŭ abanientaŭ. U hety ž pieryjad 2017 hoda — 5,2 miljona. Pryrost skłaŭ kala 5,5%. U 2016 hodzie karystalnikaŭ u MTS taksama było 5,2 miljona, u 2015 - 5,3 miljona. Za try hady kolkaść abanientaŭ apieratara pavialičyłasia na 3,6%.
Apieratar life:) u čaćviortym kvartale minułaha hoda naličvaŭ 1,6 miljona abanientaŭ, u 2017 i 2016 i hadach karystalnikaŭ było roŭna stolki ž — 1,6 miljonaŭ. Roźnicy ŭ kolkaści karystalnikaŭ — niama.
Takim čynam, na kaniec 2018 hoda ahulnaja kolkaść mabilnych abanientaŭ ŭsich troch apierataraŭ u Biełarusi skłała kala 11 973 000 karystačoŭ (4, 873 miljona velcom, za 5,5 miljonaŭ MTS i 1,6 miljona life:).
