Druhi pa bahaćci futbolny kłub śvietu vylecieŭ ź Lihi čempijonaŭ praz skandalny pienalci na apošniaj chvilinie VIDEA
Liha čempijonaŭ praciahvaje radavać zaŭziataraŭ niečakanymi vynikami.
U čarhovy hulniavy dzień u matčy 1/8 finała sustrakalisia francuzski «Pary Sen-Žermen» i anhlijski «Mančeścier Junajted».
U pieršym matčy «PSŽ» upeŭniena pieramoh 2:0, da taho ž anhličanie praz traŭmy i kartki pazbavilisia šmat kaho sa svaich lidaraŭ.
Tym nie mienš u hulni ŭ adkaz «Mančeścier Junajted» niečakana vyjhraŭ ź likam 3:1, pryčym vyrašalny hoł byŭ zabity ź pienalci ŭ kampiensavany čas, na 94-j chvilinie.
Aŭtar dvuch hałoŭ u varoty «PSŽ» — bielhijec Ramełu Łukaku. Fota Uefa.com
Słavienski sudździa Damir Skamina rašyŭsia pastavić sprečny pienalci — abaronca «PSŽ» advaročvaŭsia ad miača, ale miač trapiŭ jamu ŭ łokać. Pryčym spačatku arbitr nie zaŭvažyŭ parušeńnia, a paśla pajšoŭ pierahladać na ekranie sprečny momant.
21-hadovy napadnik «MIU» Markus Rešfard zabiŭ pienalci 41-hadovamu bramniku «PSŽ» Džanłuidžy Bufonu — i na hetym usio było skončana.
«PSŽ», druhi pa bahaćci kłub śvietu, znoŭ nie zmoh prajavić siabie ŭ kantynientalnym spabornictvie. A lehiendarny Bufon, najchutčej, tak nikoli nie vyjhraje Lihu čempijonaŭ.