Google praciahvaje raspracoŭku cenzuravanaha pošukavika dla Kitaja, choć abiacaŭ hetaha nie rabić
Pavodle rasśledavańnia supracoŭnikaŭ Google, karparacyja praciahvaje raspracoŭvać cenzuravany pošukavik dla Kitaja, choć raniej kiraŭnictva paabiacała hetaha nie rabić.
Paśla taho, jak kiraŭnictva Google paabiacała spynić raspracoŭku pošukavika Dragonfly, jaki pavinien byŭ zadavolić zapyty abmiežavanaha kitajskaj uładaj interneta, niekatoryja supracoŭniki kampanii vyrašyli pravieryć, ci sapraŭdy nichto bolš nie pracuje nad hetym prajektam, pieradaje Habr.
Jak akazałasia, kalehi «ŭnutranych daśledčykaŭ» z Google, jakija zajmalisia Dragonfly, nie atrymlivali kamandu spynić pracu. Uzamien, ich adpravili na raspracoŭku praduktaŭ Google u niekalkich inšych krainach, a raźvićcio pošukavika dla Kitaja praciahvałasia.
U kancy 2018 hoda niekatoryja supracoŭniki Google padpisali adkryty list da kiraŭnictva suprać zapusku cenzuravanaj viersii pošukavika ŭ Kitai.
