Pavieł Łatuška staŭ dyrektaram Kupałaŭskaha teatra
Fota z fejsbuka Kupałaŭskaha teatra
Eks-ministr kultury i eks-pasoł u Francyi Pavieł Łatuška pryznačany dyrektaram Kupałaŭskaha teatra. Infarmacyju pra heta Tut.by paćvierdzili ŭ teatry.
Pavieł Łatuška skončyŭ jurydyčny fakultet BDU, vučyŭsia na fakultecie pierapadrychtoŭki pry MDŁU. Pracavaŭ u MZS, byŭ vice-konsułam i konsułam hienieralnaha konsulstva Biełarusi ŭ Biełastoku, potym zaniaŭ pasadu pres-sakratara MZS.
Zatym byŭ pasłom u Polščy. Z 2009 pa 2012 hady — ministr kultury, z 2012 pa 2018 hod — pasoł u Francyi.
Łatuška byŭ najmaładziejšym biełaruskim pasłom. U aficyjnych stasunkach paśladoŭna karystajecca biełaruskaj movaj. Siabar TBM. Raźviedzieny, jość dačka — Jana.
Z 2009 pa vierasień 2018 hoda hiendyrektaram Kupałaŭskaha teatry byŭ Pavieł Palakoŭ, jon pryjšoŭ tudy amal adnačasova z mastackim kiraŭnikom Mikałajem Pinihinym, jaki zamianiŭ Valeryja Rajeŭskaha.
