Rasijski ministr pryznaŭsia ŭ prezidenckich ambicyjach
Ministr ekanamičnaha raźvićcia Rasii Maksim Areškin zajaviŭ, što jamu, jak «lubomu kiraŭnikoŭ», było b cikava papracavać na pasadzie prezidenta krainy, źviartaje ŭvahu VVS.
«Ja zaŭsiody kazaŭ, što i na svaim miescy jašče šmat čaho nie zrabiŭ. Tamu mahu razvažać tolki abstraktna. Praca prezidenta lubomu «ŭpraŭlencu» dakładna była b cikavaja z punktu hledžańnia sutnaści i źmiestu. Ale hałoŭnaje, viadoma ž, heta nie cikavaść, hałoŭnaje — ci jość karyść dla krainy i ludziej. Pahladzieć navat na maju biahučuju zaniataść. Akramia vialikaj nahruzki na pracoŭnym miescy pastajannaja nieabchodnaść pieramiaščeńnia, narady z prezidentam, premjeram, vice-premjerami … Mozh pavinien pieraklučacca mamientalna pamiž roznymi temami, a pracavać zakančvaješ hłyboka za poŭnač. I zrazumieła, što čym vyšej uzrovień, tym bolš nahruzka. I, kali ty chočaš realna niešta zrabić dla krainy, hetaja nahruzka varjackaja», — skazaŭ jon.
Areškin — samy małady ministr rasijskaha ŭrada. Jon byŭ pryznačany na pasadu paśla taho, jak svajoj pasady pazbaviŭsia Alaksiej Ulukajeŭ.
Siarod rasijskich dziaržsłužačych, i navat siarod palitykaŭ, nie pryniata kazać ab płanach kali-niebudź stać prezidentam: jak praviła, na pytańni pra budučyniu čynoŭniki lepš uchilista adznačajuć, što rady słužyć krainie i dziejnamu prezidentu na svaim miescy.
Na hetym fonie słovy Areškina šyroka razyšlisia ŭ rasijskich ŚMI. Sam jon, kamientujučy rezanans, napisaŭ u fejsbuku, što «da ŭzroŭniu prezidenta jamu jak da Miesiaca». «Mnie i na biahučym pracoŭnym miescy treba pracavać značna lepš, kab zasłužyć zvańnie «dobraha, prafiesijnaha» ministra i vykanać pastaŭlenyja zadačy», — napisaŭ jon.