Ukrainskija biestsielery dla dzietak vydaduć pa-biełarusku
«Chto raście ŭ parku» (2016) i «Chto raście ŭ sadzie» (2017) — sieryja paznavalnych knih sučasnych ukrainskich aŭtaraŭ — piśmieńnicy Kaciaryny Michalicynaj i ilustratarki Aksany Buły.
Heta malaŭničyja vyznačalniki drevaŭ dla maleńkich i vialikich čytačoŭ. A taksama nievialikija historyi pra siamiejnyja kaštoŭnaści: pra pošuki kahości rodnaha, pra ciopłyja stasunki z baćkami, pra kachańnie, spahadu, pra luboŭ da tych, kaho ŭžo niama z nami. Zaraz na kraŭdfandynhavaj placoŭcy «Vulej» idzie zbor srodkaŭ na vydańnie knižak.
«Chto raście ŭ parku»
Heta kniha pra parastak, jaki šukaje, da kaho jon padobny. Parastak znajomicca z 10 drevami, daznajecca, jak jany vyhladajuć, jakoje ŭ ich liście, kvietki, kara i płady, jak hulajuć ź imi dzieci i ŭ jakich metach vykarystoŭvajuć darosłyja. Urešcie parastak znachodzić svajo dreva, i razumieje, što ščaście — heta «znajści ŭ hetym śviecie kahości padobnaha da ciabie»
«Chto raście ŭ sadzie»
Heta kniha pra sałoŭku, jaki ŭviesnu prylacieŭ u stary sad i šukaje, dzie pabudavać sabie hniaździečka. Hniaździečka, jakoje maje nahadvać sałoŭku pra jaho baćkoŭ, bo tady i śpieŭ jahony budzie najpryhažejšym. Heta kniha pra nasielnikaŭ staroha sadu - sadovyja drevy i kusty, čyja kviecień upryhožvaje kožnuju staronki knihi. A taksama pra ludziej, jakija pasadzili i dahladajuć hety sad - dziadulu, babulu i ŭnučku. Pra kłopat i luboŭ, jakija nie pamirajuć, navat kali niechta ź siamji adlataje na niabiosy.
Što cikavaha ŭ hetych knihach?
- krasamoŭnyja malunki, niezdarma hetyja knihi nazyvajuć knihami-karcinkami.
- bataničnyja apisańni, jakija zacikaviać jak dziaciej, tak i darosłych. Ci viedajecie vy jaki malunak na kary duba? a jakija navobmacak listki višni? a pad jakimi drevami žyvuć zialonyja vožyki?
- padkazki, jak hulać ź liściem i pładami drevaŭ. I heta, darečy, vydatnaja nahoda dla darosłych uzhadać svajo dziacinstva i svaje hulni
- nievialiki abjom tekstu nie daść zanudzicca samym maleńkim słuchačam
- vialiki šryft, zručny dla čytačoŭ-pačatkoŭcaŭ
- tema siamiejnych stasunkaŭ, vielmi ciopła i dalikatna raskrytaja: chto my, da kaho padobnyja, što daje nam padtrymka baćkoŭ, jak prajaŭlajecca kłopat i luboŭ, ci prysutničaje rodny čałaviek u našym žyćci paśla svajoj śmierci
- kožnaja kniha - heta zaprašeńnie ŭ padarožža na blizkija adlehłaści, bo ich možna brać z saboj na špacyr kala doma, i na dalokija, bo ŭ kožnaj knizie sustrakajecca 1 niezvyčajnaja raślina (hinkha ŭ «Chto raście ŭ parku» i ajva ŭ «Chto raście ŭ sadzie»). Kab ź imi paznajomicca, daviadziecca vypravicca ŭ sapraŭdnaje padarožža, naprykład, u Bataničny sad).
Kniha «Chto raście ŭ parku» uvajšła ŭ mižnarodny śpis Biełyja varony (White Ravens) 2016, kudy zanosiać dziciačyja knihi, jakija majuć suśvietnaje značeńnie. A taksama jana pryznanaja lepšaj ukrainskaj knihaj dla dziaciej u naminacyi «Proza dla daškolnaha i małodšaha školnaha ŭzrostu», pavodle «Rejtynhu krytyka — 2016».
Jak knihi buduć vyhladać
Aŭtary
Pierakładčyk
Kali knihi buduć vydadzienyja?
Jak maha chutčej! Bo mienavita z takimi knihami treba sustrakać viasnu i leta!
Pierakład zrobleny, makiety całkam hatovyja da druku, z drukarniaj damoŭlena. Tamu, jak tolki źbiarecca patrebnyja suma, knihi pojduć u druk.
Naviny
Čytajcie naviny adukacyjnaha prajekta na staronkach u sacyjalnych sietkach:
