Chitraja 45-hadovaja žančyna sprabavała nažycca na chabarach u DAI, psieŭdalačeńni i mabilnikach u rasterminoŭku. Ale sistema dała zboj
Vypadki apisaŭ Śledčy kamitet.
Spačatku 45-hadovaja žančyna padbivała znajomych da dačy chabaru niby słužbovym asobam dla paśpiachovaj zdačy ekzamienaŭ u DAI (u niekatorych vypadkach navat pry adsutnaści adpaviednaha navučańnia). A hrošy jana prysabiečvała.
Aproč taho, jana pierakanała znajomaha nabyć u rasterminoŭku na svajo imia mabilnyja telefony, zapeŭniŭšy, što paśla vypłacić košt pakupak. Ale žančyna pradała mabilniki, a hrošy taksama prysabiečyła.
Taksama jana paviedamiła znajomamu niepraŭdzivyja źviestki ab naradžeńni dziciaci, baćkam jakoha jon nibyta źjaŭlajecca. Žančyna pierakonvała jaho, što dzicia pakutuje na surjoznyja zachvorvańni, patrabujučy hrošy na lačeńnie. Adnak mužčyna nie paddaŭsia jaje ŭhavoram i źviarnuŭsia ŭ pravaachoŭnyja orhany.
U chodzie rasśledavańnia ŭstanoŭlena šasnaccać epizodaŭ supraćpraŭnaj dziejnaści. Jaje dziejańni kvalifikavanyja pa artykułach «padbuchtorvańnie da dačy chabaru asobaj, jakaja raniej była asudžana za dadzienaje złačynstva» i «machlarstva, ździejśnienaje paŭtorna».
Žančyna źmieščana pad vartu.
