Haradzieniec staŭ adnym z samych papularnych rasijskamoŭnych ciktokieraŭ. U jaho 2,6 miljona padpisčykaŭ
Videabłohier Alaksiej Saŭko staŭ adnym z samych papularnych ciktokieraŭ u rasijskamoŭnym siehmiencie papularnaj sacyjalnaj sietki: u jaho bolš za 2,6 miljonaŭ padpisčykaŭ. U svaim mikrabłohu jon publikuje karotkija videa, dzie hałoŭnaj fiškaj źjaŭlajecca jaho rost — 130 santymietraŭ, piša tut.by.
TikTok — heta sacyjalnaja sietka, dzie karystalniki publikujuć karotkija videaroliki, jakija nakładvajucca na papularnuju muzyku. TikTok vielmi padobny na storys, jakija vykładvajuć karystalniki Instagram. Praŭda, videa tut z časam nikudy nie źnikaje.
Alaksiej rodam ź Bierastavickaha rajona. U Hrodnie jon skončyŭ škołu i miascovy kaledž mastactvaŭ. Pracavaŭ viadučym, stvaraŭ videaklipy, a jašče zajmaŭsia sportam. U sakaviku 2017 hoda jon staŭ absalutnym čempijonam Biełarusi i majstram sportu pa paŭerliftynhu.
Pra svoj rost małady čałaviek zaŭsiody kaža ź ironijaj. Na im i zrobleny asnoŭny akcent u videabłohu ŭ sacyjalnaj sietcy TikTok.
U svaim intervju Tut.by Alaksiej kazaŭ:
— U dziacinstvie mianie kryŭdziła, kali ŭ mianie tykali palcam, ale ciapier ja zhadvaju, jak ja sam hladzieŭ u toj čas na afraamierykancaŭ. Zaraz śmiešna zaŭvažać, jak maleńkija dzieci pakazvajuć na mianie i kažuć baćkam: «Hladzicie, jaki dziadźka!»
Ciapier, miarkujučy pa infarmacyi ŭ jaho akaŭntach u sacyjalnych sietkach, małady čałaviek žyvie na dva harady: u Maskvie i Piermi. Darečy, i ŭ inšych sacsietkach małady čałaviek vielmi papularny, Naprykład, u instahramie ŭ Alaksieja amal 92 tysiačy padpisčykaŭ. Tam jon raspaviadaje pra svajo žyćcio i publikuje fatahrafii i videa z vandrovak, z kancertaŭ, dzie vystupaje ŭ jakaści viadučaha.