Nazvany łaŭreat premii imia Syrycy: za ŭšanavańnie pamiaci achviaraŭ stalinistaŭ pad Oršaj
Ihar Stankievič i Juraś Hubarevič, fota ruchu «Za svabodu»
Ihar Stankievič za ŭšanavańnie pamiaci achviaraŭ stalinskich represijaŭ pad Oršaj, kampaniju «Kabylaki. Rasstralanyja ŭ Oršy» nazvany łaŭreatam premii imia Viktara Syrycy, jakuju ruch «Za svabodu» ŭručaje ŭžo treci hod zapar.
Premija była zasnavanaja Radaj ruchu «Za svabodu» ŭ śniežni 2016 hoda ŭ pamiać pra vybitnaha dziejača nacyjanalna-demakratyčnaha ruchu Biełarusi Viktar Syrycu. Joj uhanaroŭvajucca aŭtary najlepšych rehijanalnych inicyjatyvaŭ pa papularyzacyi biełaruščyny pa vynikach minułaha hodu.
«Ja byŭ vielmi ŭzrušany. U ludziej jość patreba pamiatać svaich prodkaŭ, nie važna, što ŭłady nie chočuć. U ludziej jość patreba», — raspavioŭ Ihar Stankievič. Na siońnia Ihar Stankievič zajmajecca zvarotami ŭ archivy dla atrymańnia infarmacyi pra represavanych i raskułačanych svajakoŭ.
Pieramožcaj hramadskaha hałasavańnia stała Viktoryja Anochava-Žuraŭlova za arhanizacyju biełaruskamoŭnych litaraturnych čytańniaŭ dla školnikaŭ u Pružanach.