Jančeŭski: Ekspart PVT pieravysiŭ usie prahnozy i vyras amal da 1,5 młrd dalaraŭ
Ekspart Parku vysokich technałohij za 2018 hod vyras na 38% u paraŭnańni z 2017 hodam i skłaŭ $ 1 młrd 414 młn.
Pa prahnozach suśvietnych aŭdytaraŭ, Park pavinien byŭ nablizicca da hetych pakazčykach tolki ŭ 2020 hodzie. Asnoŭnymi spažyŭcami praduktaŭ PVT źjaŭlajucca krainy ES i ZŠA (bolš za 90%), adznačajecca ŭ pres-relizie PVT.
«Rost PVT pa ekspartu pierasiahnuŭ usie našy čakańni. Tyja prahnozy, jakija davali nam viadučyja ahienctvy, my taksama rezka pieravysili. Heta pośpiech nie tolki Parku vysokich technałohij, ale i pośpiech ŭsioj našaj krainy. Biełaruś siońnia realna pieratvarajecca ŭ adzin ź vielmi mahutnych IT-kłastaraŭ usiaho ŭschodniejeŭrapiejskaha rehijona. Bajusia suročyć, ale zaraz my jasna bačym, što ŭsie padstavy jość dla praciahu mahutnaha, dobraha i imklivaha rostu», — adznačyŭ dyrektar Parku vysokich technałohij Usievaład Jančeŭski.
Ahulny abjom vytvorčaści PVT skłaŭ 3 młrd 202 młn rubloŭ, rost u paraŭnańni z 2017 hodam 47%. Na ŭnutranym rynku rezidenty Parku raspracavali i ŭkaranili IT-rašeńniaŭ na sumu Br297 młn. Heta na 59% bolš, čym u 2017 hodzie.
Siaredni zarobak IT-śpiecyjalista za minuły hod skłaŭ 4487 rubloŭ.
Siaredni prahramist płacić u 3,2 razy bolš padachodnaha padatku, čym siaredni biełarus, ale ŭ Fond sacyjalny abarony nasielnictva pieraličvaje tolki stolki ž, jak i siaredni biełarus.
Paśla padpisańnia dekreta «Ab raźvićci ličbavaj ekanomiki» u PVT ŭstupiła 267 kampanij — za 2018 hod bolš, čym za ŭsiu 12-hadovuju historyju Parku.
Pry hetym aktyvizavałasia praca starych kampanij, jakija za minuły hod stvaryli 5 tys. novych pracoŭnych miescaŭ.
